হঠাৎ এটা সপোন থানবান হ’লl এখন সুখৰ ঘৰৰ সপোন প্ৰায় সপোনতে আবদ্ধ হোৱাৰ পথতl
যোৰহাট জিলাৰ টীয়কৰ দক্ষিণ দুলীয়া গাঁৱৰ এটা দুৰ্ভগীয়া দৰিদ্ৰ পৰিয়ালৰ এগৰাকী যুৱতীৰ কৰুণ কাহিনীl
টীয়কৰ দক্ষিণ দুলীয়া গাঁৱৰ ভদ্ৰেশ্বৰ বৰাৰ জীয়ৰী পূৰৱী বৰাৰ বিয়াৰ বাবে সম্পূৰ্ণ যা-যোগাৰ কৰি যোৱা বহাগৰ ২১,২২ তাৰিখে দুদিনীয়া কৰ্মসূচীৰে ছোৱালী উলিয়াই দিয়াৰ দিহা কৰিছিল।
কিন্তু দেশত চলি থকা লকডাউনৰ বাবে আহাৰৰ ১৫ তাৰিখলৈ বিয়াখন পিছুৱাই দিয়া হয়।
সকলো ঠিকেই আছিল, বিয়াখনলৈ পৰিয়ালটিৰ সকলোৱেই একেই হেঁপাহ, একেই উৎসাহেৰে আগবাঢ়িছিল।
পিছে বিয়ালৈ একসপ্তাহ থকাৰ সময়তে কইনা পূৰৱীৰ শৰীৰ কিছু অসুস্থ হোৱাত পিতৃগৃহৰ পৰা তেওঁক চিকিৎসকক সাক্ষাৎ কৰালেl
বিয়ালৈ বুলি সযতনে থোৱা টকা খৰচ কৰি মৰমৰ সৰু জীক লোকৰ ঘৰলৈ উলিয়াই দিয়াৰ পূৰ্বে চিকিৎসকৰ পৰামৰ্শত সকলো পৰীক্ষা কৰালত দুৰ্ভগীয়া পূৰবীৰ দেহত ধৰা পৰিল এক জটিল দুৰাৰোগ্য ৰোগ৷
পৰিয়ালটোৰ সকলো সপোন ভাঙি চূৰমাৰ হোৱাৰ পথত। অতি দৰিদ্ৰ পৰিয়ালটোলৈ এতিয়া নামি আহিছে ভীষণ অমানিশা৷
পিতৃ পেছাত এজন কাঠমিস্ত্ৰী। সাঁচতীয়া সকলো ধন বিয়াৰ আৰু তাৰ পাছত চিকিৎসাৰ বাবদ খৰচ কৰি আজি কন্যাৰ উন্নত চিকিৎসা কৰিব নোৱাৰি ভীষণ আৰ্থিক সংকটত পৰিছেl
সেয়ে পৰিয়ালটিয়ে মৰমৰ নুমলীয়া জীৰ জীৱন ৰক্ষাৰ বাবে এতিয়া ৰাইজৰ পৰা সহায় বিচাৰিছে।
কোনো সদাশয় ব্যক্তি তথা অনুষ্ঠানে যদি এই দুৰ্ভগীয়া পৰিয়ালটিক সহায় কৰিব বিচাৰে, তেন্তে ভাৰতীয় ষ্টেট বেংকৰ টীয়ক শাখাত মাতৃ ৰুণু বৰাৰ একাউন্ট নম্বৰ 36887367258, IFSC SBIN000001718ত সাহায্য আগবঢ়াব পাৰে।
অথবা 9859351011 নম্বৰত যোগাযোগ কৰিবলৈ কৰযোৰে অনুৰোধ জনাইছে।