ক’ৰ’না প্ৰতিৰোধৰ বাবে দেশত অব্যাহত থকা ল’কডাউনৰ পৰিপ্ৰক্ষিতত বৰ্হিৰাজ্যত কৰ্মৰত শ্ৰমিকৰ পদব্ৰজে নিজ গৃহলৈ কৰা উভতি যাত্ৰা এতিয়াও অব্যাহত আছে।
এই ক্ষেত্ৰত কেন্দ্ৰীয় তথা সংশ্লিষ্ট ৰাজ্য চৰকাৰসমূহে প্ৰৱাসী শ্ৰমিকসকলৰ বাবে ফলপ্ৰসূ কোনো ব্যৱস্থা গ্ৰহণ কৰা নাই।
ইতিমধ্যে ৪০ গৰাকীৰো অধিক প্ৰৱাসী শ্ৰমিকৰ ঘৰলৈ উভতাৰ পথত মৃত্যু ঘটিছে।
এটাৰ পিছত এটাকৈ প্ৰব্ৰজিত মহিলা শ্ৰমিকে ৰাজপথ সন্তান প্ৰসৱ কৰিলগীয়া পৰিস্থিতৰো সৃষ্টি হৈছে।
৭০ কিলোমিটাৰ পথ খোজেৰ অতিক্ৰম কৰাৰ পিছত এইবাৰ এগৰাকী প্ৰব্ৰজিত শ্ৰমিক প্ৰসূতিয়ে ৰাজপথতে জন্ম দিছে এটি সন্তান।
নাছিকৰ পৰা সাতনালৈ পদব্ৰজেৰে আহি থকা শকুল্তলা নামৰ শ্ৰমিক প্ৰসূতিগৰাকীয়ে সন্তান প্ৰসৱ কৰাৰ পিছত ১৬০ কিলোমিটাৰ পথ খোজেৰে অতিক্ৰম কৰিছে।
উল্লেখ্য যে ৰাকেশ কৌল আৰু তেওঁৰ পত্নীয়ে মহাৰাষ্ট্ৰ নাছিক প্ৰৱাসী শ্ৰমিকৰূপে এটা প্ৰতিষ্ঠানত কৰ্মৰত আছিল।
দেশজুৰি অব্যাহত থকা ল’কডাউনৰ সময় তেওঁলোকে কাম কৰা প্ৰতিষ্ঠানটো বন্ধ হৈ যোৱাৰ ফলত মধ্যপ্ৰদেশৰ নিজ গৃহলৈ পদব্ৰজে উভতি আহিছে।
আনহাতে যোৱা মঙলবাৰেও হায়দৰাবাদৰ পৰা এগৰাকী প্ৰসূতি শ্ৰমিক অনিতাবায়ে তেওঁৰ স্বামীৰ সৈতে ছত্তিশগড়ৰ নিজ গৃহলৈ আহি থাকোতে নাৰ্ছিঙ্গীৰ নামৰ ঠাইত ৰাজপথে সন্তান প্ৰসৱ কৰে।
প্ৰসূতি শ্ৰমিকগাৰীকয়ে ৰাজপথতে বিষ অনুভৱ কৰাত স্বামী লোকেশে ওচৰৰ হাস্পতাল বিচাৰ খোচাৰ কৰাত লাগে।
ওচৰৰ জাপথিশীভানুৰ চিকিৎসালয়লৈ খোজেৰ গৈ থকা অৱস্থাতে অনিতাবায়ে বাটত এটি কন্যা সন্তান জন্ম দিয়ে।
ইয়াৰ পিছতে প্ৰসূতি অনিতাবাইক চৰকাৰী চিকিৎসালয়ত ভৰ্তি কৰোৱা হয়।
ইফালে বাংগালুৰুৰ ড’ড্ডাবম্মাছান্দ্ৰত যোৱা মঙলবাৰে এগৰাকী ২০ বৰ্ষীয় প্ৰব্ৰজিত শ্ৰমিক প্ৰসূতিয়ে স্থানীয় চিকিৎসালয়লৈ সাত কিলোমিটাৰ খোজকঢ়াৰ পাছত পথতে এটি কন্যসন্তান প্ৰসৱ কৰিছিল।
উল্লেখ্য যে ল’কডাউনকালীন সময়ত প্ৰৱাসী শ্ৰমিকসকলে পদব্ৰজে নিজ ঘৰলৈ উভতি অহাৰ পথত সন্তান জন্ম দিয়াৰ হাৰ ক্ৰমশঃ বৃদ্ধি পাই আহিছে।
