পুনৰ সংঘটিত হৈছে বন্দুকধাৰীৰ আক্ৰমণ। এইবাৰ লক্ষ্য ব্ৰাজিলৰ বিদ্যালয়। ব্ৰাজিল চৰকাৰে জানিবলৈ দিয়া মতে, শুকুৰবাৰে ব্ৰাজিলৰ এস্পিৰিটো সান্টোৰ দুখন বিদ্যালয়ত বন্দুকধাৰীয়ে গুলীচালনা কৰাৰ ফলত কমেও ৩জন লোক নিহত হয় আৰু আন ১১ জন গুৰুতৰভাৱে আহত হয়।
ব্ৰাজিলৰ বিদ্যালয়ত গুলীচালনা কৰা বন্দুকধাৰীৰ ওচৰত এটা অৰ্ধ-স্বয়ংক্ৰিয় অস্ত্ৰ আছিল যিটো নিৰাপত্তা ফুটেজত বন্দী হৈছে। অভিযুক্ত বন্দুকধাৰীজনক সামৰিক পোছাক পিন্ধি আৰু মুখ ঢাকি থকা দেখা গৈছিল।
লগতে পঢ়ক: সমকামিতাৰ বিৰুদ্ধে কঠোৰ আইন ৰাছিয়াৰ! সংসদত গৃহীত বিধেয়ক
বন্দুকধাৰীজন ১৬ বছৰ বয়সীয়া বুলি সন্দেহ কৰা হৈছে। ৰাজ্যখনৰ ৰাজধানী ভিটোৰিয়াৰ পৰা প্ৰায় ৫০ কিলোমিটাৰ উত্তৰে অৱস্থিত সৰু চহৰ আৰাক্ৰুজত এই আক্ৰমণ সংঘটিত হয়।
এস্পিৰিটো চেণ্টোৰ গভৰ্ণৰ ৰেনাটো কাছাগ্ৰাণ্ডে শুকুৰবাৰে এক টুইটযোগে কয়, “নিৰাপত্তা দলসমূহে আৰাক্ৰুজৰ দুখন বিদ্যালয়ত আক্ৰমণ কৰা আক্ৰমণকাৰীজনক ধৰিবলৈ চেষ্টা কৰি আছে। মই এই অপূৰণীয় ক্ষতিৰ বাবে শোকৰ চিন স্বৰূপে তিনি দিনৰ চৰকাৰী শোক ঘোষণা কৰিছো। আমি কাৰণটো অনুসন্ধান কৰি যাম আৰু অতি সোনকালেই আমি এক নতুন ব্যাখ্যা লাভ কৰিম।”
লগতে পঢ়ক: আমেৰিকাৰ আদালতত ডোনাল্ড ট্ৰাম্পৰ বিৰুদ্ধে ধৰ্ষণৰ গোচৰ; মানহানিৰ অভিযোগ ট্ৰাম্পৰ
গৱৰ্ণৰগৰাকীয়ে জনায় “প্ৰাইমো বিট্টি স্কুল আৰু প্ৰিয়া ডি ককিৰাল শিক্ষা কেন্দ্ৰত এই আক্ৰমণৰ ঘটনা সংঘটিত হৈছে।”