বৃহস্পতিবাৰে পুৱতি নিশা ভাৰতীয় সেনাই লাভ কৰিলে এক ডাঙৰ সফলতা। সন্ত্ৰাসবিৰোধী অভিযানত লাভ কৰিছে এই সফলতা। এনকাউণ্টাৰত দুজন সন্ত্ৰাসবাদী নিহত হোৱা বুলি জানিব পৰা গৈছে।
ভাৰতীয় সেনাৰ চিনাৰ কৰ্পছে কয় যে, ‘‘এটা সম্ভাৱ্য অনুপ্ৰৱেশৰ চেষ্টা সন্দৰ্ভত চোৰাংচোৱাৰ তথ্যৰ ভিত্তিত অভিযান চলাই ভাৰতীয় সেনা আৰু জম্মু-কাশ্মীৰ আৰক্ষীয়ে ২৮-২৯ আগষ্টৰ মাজনিশা কুপওৱাৰাৰ জেনেৰেল এৰিয়া মাচালত যৌথ অভিযান আৰম্ভ কৰে।‘’
ইয়াৰ পিছত সন্দেহজনক গতিবিধি লক্ষ্য কৰা বুলিও সেনাই কয়। তালাচী অভিযানৰ সময়ত সন্ত্ৰাসবাদীৰ সন্ধান পোৱাৰ লগে লগে সন্ত্ৰাসবাদী আৰু সেনাৰ জোৱানৰ মাজত গুলীয়াগুলি আৰম্ভ হয়। দুজন সন্ত্ৰাসবাদী নিহত হোৱাৰ সন্দেহ কৰা হৈছে। অৱশ্যে এতিয়াও এই অভিযান অব্যাহত আছে বুলি চিনাৰ কৰ্পছৰ সূত্ৰই প্ৰকাশ কৰিছে।
লগতে পঢ়কঃ ভ্ৰাম্যমাণৰ মঞ্চত বাইকসহ বাগৰি পৰি আঘাতপ্ৰাপ্ত অভিনেতা যতীন বৰা, আহত আন ৭জন
কেৱল সেয়াই নহয়, জম্মু-কাশ্মীৰৰ ৰাজৌৰী জিলাত সন্ত্ৰাসবাদীয়ে নিৰাপত্তাৰক্ষীৰ সৈতে গুলীয়াগুলি আৰম্ভ কৰাৰ খবৰ পোৱা গৈছে। কুপওৱাৰা জিলাত নিয়ন্ত্ৰণ ৰেখাৰ কাষত দুটা পৃথক অভিযানত ৩ জন সন্ত্ৰাসবাদী নিহত হোৱাৰ খবৰ পোৱা গৈছে।
এমাহৰ ভিতৰতে জম্মু-কাশ্মীৰত বিধানসভা নিৰ্বাচন আছে। এনে পৰিস্থিতিত সন্ত্ৰাসবাদীয়ে পুনৰ কাশ্মীৰত অশান্তিৰ চেষ্টা চলাইছে। ইফালে নিৰাপত্তাৰক্ষীবাহিনীও মনে মনে বহি থকা নাই। নিৰ্বাচনৰ পৰিৱেশত অব্যাহত আছে এই তালাচী অভিযান।
OP SHAMSHU, MACHHAL #Kupwara
Based on intelligence inputs with respect to likely infiltration bids, a Joint Operation was launched by #IndianArmy & @JmuKmrPolice on the intervening night of 28-29 Aug 24 in general area Machhal, Kupwara.
Suspicious movement was observed in bad… pic.twitter.com/ZcSdgaQczL
— Chinar Corps🍁 – Indian Army (@ChinarcorpsIA) August 29, 2024
উল্লেখ্য যে ৯ জুনত ৰিয়াছি আক্ৰমণৰ পিছৰে পৰা জম্মু-কাশ্মীৰত সন্ত্ৰাসবাদী ঘটনা বৃদ্ধি পাইছে। সেই সময়ত সন্ত্ৰাসবাদীয়ে শিৱখোৰিৰ পৰা আহি থকা এখন বাছ কলক্ষ্য কৰিছিল। এই সন্ত্ৰাসবাদী আক্ৰমণত ৯ জন তীৰ্থযাত্ৰী নিহত হোৱাৰ লগতে ৪১ জন লোক আহত হয়। ১১ জুনত জম্মু সংমণ্ডলৰ কঠুৱাৰ অন্তৰ্গত এখন গাঁৱত সন্ত্ৰাসবাদীয়ে আক্ৰমণ চলাইছিল।
