কেইজনমান উদণ্ড যুৱকে পাঠশালাত কৰ্মৰত সাধাৰণ মিস্ত্রী-শ্ৰমিকৰ পৰা নিশাৰ ভাগত ডকাইতি কৰা কাৰ্যই প্ৰতিক্ৰিয়াৰ সৃষ্টি কৰিছে ।
‘লাচিত সেনা’ সংগঠনৰ নাম লৈ শ্ৰমিকক দাবী-ধমকি দি ধন কাঢ়ি নিয়াৰ উপৰি ১৭ নৱেম্বৰৰ নিশা 8011348283 নম্বৰৰ পৰা ফোনযোগে মিস্ত্ৰীৰ পৰা বিশ হাজাৰ টকা দাবী কৰিছিল যুৱককেইজনে ।
এই ঘটনাৰ পিছতেই পাঠশালাৰ বিভিন্ন ঠাইত কৰ্মৰত মিস্ত্রী-শ্ৰমিকসকলে পাঠশালা আৰক্ষীৰ কাষ চাপি এজাহাৰ দাখিল কৰিছিল যুৱককেইজনৰ বিৰুদ্ধে ।
পাঠশালা আৰক্ষীয়ে ঘটনা সন্দৰ্ভত ফোনেৰে ধন দাবী কৰা নম্বৰৰ ওপৰত তদন্ত কৰি শুকুৰবাৰে তিনিজন যুৱকক পাঠশালাৰ পৰা আটক কৰে ।
পৰাগ দাস, নিশান্ত দাস আৰু কৈলাশ ৰয় নামৰ যুৱক তিনিগৰাকীজনক আৰক্ষীয়ে জেৰা কৰাৰ পিছত শনিবাৰে জেল হাজোতলৈ প্ৰেৰণ কৰে ।
আনহাতে বজালী জিলাৰ আৰক্ষী অধীক্ষক ধৰ্মেন্দ্ৰ দাসে এনেধৰণৰ ডকাইতি, ধন দাবীৰ ঘটনা ঘটিলে ততালিকে আৰক্ষীক খবৰ দিবলৈ সংবাদ মাধ্যমৰ যোগেৰে আহ্বান জনাইছে।