প্ৰতিদিনে পুৱা আৰু সন্ধিয়া কিলোমিটাৰৰ পিছত কিলোমিটাৰ খোজ কাঢ়িছে। কিন্তু চৰ্বি কমি যোৱা নাই। মানি চলক খোজকঢ়াৰ ৬-৬-৬ নিয়ম।
খোজ কাঢ়ক
শৰীৰটো ফিট কৰি ৰাখিবলৈ বহুতে ৰাতিপুৱা-সন্ধিয়া বা যিকোনো সময়তে খোজ কাঢ়ে। কিন্তু এই নিয়ম মানি চলিলে সোনকালে চৰ্বি কমি যাব।
বিজ্ঞানসন্মত নিয়ম
বিজ্ঞানে কয় যে যদি আপোনাৰ ওজন বেছি হয় তেন্তে প্ৰতিদিনে ১ কিলোমিটাৰ খোজ কাঢ়িলে কেলৰি অধিক গলিব আৰু ওজন কমি যাব। স্বাভাৱিক বা কম ওজন হ’লে তুলনামূলকভাৱে কম কেলৰি গলিব।
ৰাতিপুৱা খোজ কঢ়াৰ উপকাৰিতা
গৱেষণাৰ মতে, প্ৰতিদিনে পুৱা মাত্ৰ ৩০ মিনিট খোজ কাঢ়িলেই হৃদৰোগৰ সম্ভাৱনা ৩৫ শতাংশ হ্ৰাস পায়। মৰ্নিং ৱাকে শৰীৰ আৰু মন সতেজ কৰি ৰখাত সহায় কৰে।
সন্ধিয়া খোজ কঢ়াৰ উপকাৰিতা
সন্ধিয়া ৩০ মিনিট খোজ কাঢ়িলে মানসিক চাপৰ পৰা উপশম পোৱা যায়। বিয়লি বা সন্ধিয়া খোজ কাঢ়িলে দিনটোৰ ভাগৰ দূৰ হয়।
এঘণ্টা খোজ কাঢ়িলে
নিয়মিতভাৱে এঘণ্টা খোজ কাঢ়িলে শৰীৰৰ চৰ্বি সোনকালে হ্ৰাস পাব। চৰ্বি গলি যাব। হাওঁফাওঁ সুস্থ থাকে।
কেনেকৈ খোজ কাঢ়িব লাগে
সেইটোৱেই আচল প্ৰশ্ন। গৱেষণাৰ মতে খোজ কঢ়াৰ বাবেও এটা নিয়ম আছে। এইটো হৈছে ৬-৬-৬। অৰ্থাৎ ৬ মিনিটৰ ৱাৰ্ম আপ, ৬ মিনিটৰ কুল ডাউন। আৰু ৰাতিপুৱা আৰু সন্ধিয়া ৬ বজাত মাত্ৰ ৬০ মিনিট খোজ কঢ়াৰ পেকেজ এটা।
খোজ কঢ়াৰ ৬-৬-৬ পদ্ধতিৰ উপকাৰ
চৰ্বি সোনকালে কমাবলৈ ৬-৬-৬ ৰুটিন মানি চলক। মানসিক চাপ কমি যাব আৰু স্বাস্থ্যৰ উন্নতি হ’ব। একাধিক শাৰীৰিক সমস্যা কমি যাব।
নূন্যতম খোজ
হাৰ্ভাৰ্ড বিশ্ববিদ্যালয়ৰ প্ৰতিবেদন অনুসৰি প্ৰতিদিনে কমেও ১০ হাজাৰ খোজ খোজ কাঢ়ি যোৱাটো গুৰুত্বপূৰ্ণ। দিনটোত ১৫০ মিনিট খোজ কঢ়াটো যুৱক-যুৱতীসকলৰ বাবে ভাল। কিন্তু খোজ কঢ়াৰ শাৰীৰিক সুফল পাবলৈ হ’লে প্ৰতি ঘণ্টাত ৩ কিলোমিটাৰ বেগেৰে খোজ কাঢ়িব লাগিব।
