চাহপাতৰ দুটা নতুন ব্ৰেণ্ড উন্মোচন টোকলাই চাহ গৱেষণা কেন্দ্ৰৰ

টোকলাই চাহ গৱেষণা কেন্দ্ৰই ইয়াৰ অপাৰেটিং বাজেটৰ পৰিপূৰক হিচাপে দুটা নতুন চাহৰ ব্ৰেণ্ড উন্মোচন কৰিছে।
টোকলাইত অলপতে এটা নতুন চাহ পৰ্যটন কেন্দ্ৰৰ উন্মোচন কৰিবলৈ অহাৰ সময়ত মুখ্য মন্ত্ৰী সোণোৱালে এই নতুন ব্ৰেণ্ডদুটা উন্মোচন কৰে।
য়েল্ল’ আৰু গ্ৰীন টী নামৰ ব্ৰেণ্ডদুটা মুখ্য মন্ত্ৰীগৰাকীয়ে আনুষ্ঠানিকভাৱে উন্মোচন কৰে। চাহৰ এই নতুন প্ৰকাৰ দুটা টোকলাই আৰু বৰভিটাৰ দুখন পৰীক্ষামূলক বাগিচাৰ প্ৰচলিত চাহৰ কলমৰ পৰা উৎপাদন কৰা হৈছে।
এই ব্ৰেণ্ডদুটাক টোকলাই চাহ না দিয়া হৈছে। গৱেষকসকলে জোৰ দি কৈছে যে বিষদ গৱেষণাৰ পাছত উৎপাদন কৰা বাবে এই চাহৰ গুণগত মান উন্নত হ’ব।
ওটকলাইৰ সঞ্চালক একে বৰুৱাই কৈছে যে আন্তৰ্জাতিক বজাৰত বিশেষ কদৰ থকা স্পেচিয়েলিটী চাহপাত প্ৰস্তুত কৰাৰ বাবে অসমৰ উদ্যোগ মন্ত্ৰীগৰাকীয়ে গৱেষণা প্ৰতিষ্ঠানটোক নিৰ্দেশ দিয়াৰ পাছত এই উদ্যোগ গ্ৰহণ কৰা হয়।
তেওঁ আৰু কৈছে যে স্পেচিয়েলিটী চাহপাতৰ কাৰ্যকুশলভাৱে প্ৰক্ৰিয়াকৰণৰ কাম টোকলাইত চলি আছে। জৈৱ-ৰসায়ন, চাহপাত প্ৰক্ৰিয়াকৰণ আৰু প্ৰস্তুতি উপদেষ্টা বিভাগে এই প্ৰক্ৰিয়াকৰণৰ কাম কৰি আছে।
ৱৰ্ড টী নিউজত প্ৰকাশিত এটা প্ৰতিৱেদনত কোৱা হৈছে যে বিশ্বৰ ভিতৰতে বৃহত্তম আৰু প্ৰচীনতম চাহ গৱেষণা কেন্দ্ৰই অসমৰ চাহপাতক বিশ্বৰ ভিতৰতে এটা প্ৰিমিয়াম প্ৰকাৰৰ চাহপাত বুলি প্ৰতিপন্ন কৰাত এটা নিৰ্ণায়ক ভূমিকা গ্ৰহণ কৰি আহিছে।
উল্লেখ্য যে জনপ্ৰিয় আইৰিছ ব্ৰেকফাষ্ট আৰু ইংলিছ ব্ৰেকফাষ্ট চাহপাত অসমৰ ব্লেক টী মিশ্ৰণ কৰি প্ৰস্তুত কৰা হৈছে।