Two encounters break out at Shopian and Baramulla জম্মু-কাশ্মীৰত দক্ষিণ কাশ্মীৰৰ শ্বোপিয়ান জিলাৰ চিত্ৰগাম অঞ্চল আৰু উত্তৰ কাশ্মীৰৰ বাৰামুলা জিলাৰ পাটানত সন্ত্ৰাসবাদী আৰু নিৰাপত্তা বাহিনীৰ মাজত তুমুল সংঘৰ্ষ আৰম্ভ হৈছে।
কাশ্মীৰ আৰক্ষীয়ে নিজেই দুটা এনকাউণ্টাৰৰ খবৰ দিছে। টুইট কৰি তেওঁলোকে কৈছে, “শ্বপিয়ানৰ চিত্ৰাগাম অঞ্চলত এনকাউণ্টাৰ আৰম্ভ হৈছে। আৰক্ষী আৰু সুৰক্ষা বাহিনীয়ে তেওঁলোকৰ কাম কৰি আছে।‘’
কাশ্মীৰ জোন আৰক্ষীয়ে জনোৱা অনুসৰি বাৰামুলাৰ পাটান অঞ্চলত গুলীয়াগুলি আৰম্ভ হৈছে। ইয়াৰ অলপ আগতে শ্বোপিয়ান জিলাৰ চিত্ৰগ্ৰাম জিলাত আৰক্ষী আৰু নিৰাপত্তাৰক্ষীৰ মাজত গুলীয়াগুলি আৰম্ভ হয়।
#Encounter has started at Chitragam area of #Shopian. Police and security forces are on the job. Further details shall follow.@JmuKmrPolice
— Kashmir Zone Police (@KashmirPolice) September 29, 2022
আন এটা টুইটত আৰক্ষীয়ে কয়, “বাৰামুলাৰ পাটান অঞ্চলৰ য়েদিপোৰাত এনকাউণ্টাৰ আৰম্ভ হৈছে। আৰক্ষী আৰু সুৰক্ষা বাহিনীয়ে তেওঁলোকৰ কাম কৰি আছে।‘’
#Encounter has started at Yedipora, Pattan area of #Baramulla. Police and security forces are on the job. Further details shall follow.@JmuKmrPolice
— Kashmir Zone Police (@KashmirPolice) September 29, 2022
আৰক্ষী আৰু সুৰক্ষা বাহিনীয়ে অঞ্চলটোত সন্ত্ৰাসবাদীৰ উপস্থিতিৰ বিষয়ে নিৰ্দিষ্ট তথ্য পোৱাৰ পিছতে এই সংঘৰ্ষ আৰম্ভ হৈছে।
অৱশ্যে এই সংঘৰ্ষত হতাহতৰ সৱিশেষ তথ্য এতিয়ালৈকে সদৰী কৰা নাই।
