বহু প্ৰত্যাশিত বগীবিল দলঙৰ ২৫ ডিচেম্বৰত শুভ উদ্বোধনীৰ পিছতে ২৬ ডিচেম্বৰৰ পৰা উত্তৰ পাৰ আৰু দক্ষিণ পাৰৰ মাজত বগীবিল দলং হৈ তিনিচুকীয়া জংচন আৰু নাহৰলগুন ষ্টেইশ্যনক সংযোগ কৰি দুখন নতুন ইণ্টাৰচিটী এক্সপ্ৰেছ ৰে’ল চলিব। ইয়াৰে এখন ৰে’লে সপ্তাহত পাঁচ দিন যাত্ৰা কৰিব আৰু আনখন ৰে’ল সাপ্তাহিকভাৱে চলিব।
ইয়াৰে ১৫৯০৮ নম্বৰৰ ৰে’লখনে সোম, মঙল, বুধ, শুকুৰ আৰু শনিবাৰে নাহৰলগুনৰ পৰা ৫.৩০ ত যাত্ৰা কাৰিব আৰু ১১ বজাত তিনিচুকীয়ত উপস্থিত হ’ব। বিপৰীতে ১৫৯০৭ নম্বৰৰ আনখন ৰে’লে সোম, মঙল, বুধ, শুকুৰ আৰু দেওবাৰে ১৬ বজাত তিনিচুকীয়াৰ পৰা যাত্ৰা কৰিব আৰু ২১.১৫ বজাত নাহৰলগুনত উপস্থিত হ’ব।
আনহাতে ১৫৯১২ নম্বৰৰল ৰে’লখনে প্ৰতি বৃহস্পতিবাৰে ৫.৩০ বাজত নাহৰলগুনৰ পৰা যাত্ৰা কৰিব আৰু ১১ বজাত তিনিচুকীয়াত উপস্থিত হ’ব। বিপৰীতে ১৫৯১১-এ নম্বৰৰ ৰে’লখনে বৃহস্পতিবাৰে ১৮.৪৫ বজাত তিনিচুকীয়াৰ পৰা যাত্ৰা কৰিব আৰু শুকুৰবাৰে নাহৰলগুনত উপস্থিত হ’ব।
ৰে’ল দুখনে যাত্ৰা কৰাৰ সময়ত নিউ তিনিচুকীয়া, ডিব্ৰুগড়, ধামালগাঁও, ধেমাজি, গোগামুখ, উত্তৰ লখিমপুৰ আৰু হাৰমতীত ষ্টপেজ থাকিব।
ৰে’লকেইখনত দুটা জেনেৰেল কৰাৰ উপৰি এটা বাতানুকুল চেয়াৰ কাৰ আৰু বহাৰ সুবিধাৰ সৈতে ৯ টা দ্বিতীয় শ্ৰেণীৰ দবা থকিব।
ইফালে ২৫ ডিচেম্বৰত প্ৰাৰম্ভিক বিশেষ ০৫৯০৭ নম্বৰৰ ৰে’লখনে ডিব্ৰুগড়ৰ পৰা ১১.৩০ বাজত যাত্ৰা কৰিব আৰু ১৮.৪৫ বজাত নাহৰলগুনত উপস্থিত হ’বহি। এই কথা ৰে’লৱেৰ মুখ্য জনসম্পৰ্কৰক্ষী বিষয়া প্ৰণৱজ্যোতি শৰ্মাই এক প্ৰেছ বিবৃতিৰ জৰিয়তে জনায়।
