massive fire engulfs footwear factory in Delhi দিল্লীত এক ভয়ংকৰ অগ্নিকাণ্ডৰ ঘটনা সংঘটিত হৈছে। মঙলবাৰে দিল্লীৰ নাৰেলা অঞ্চলৰ এটা কাৰখানাত অগ্নিকাণ্ডৰ ঘটনাটো সংঘটিত হয়। বাতৰি অনুসৰি, দুৰ্ঘটনাটোত দুজন লোকৰ মৃত্যু হয়।
খবৰ পোৱাৰ লগে লগে ১০ খন অগ্নি নিৰ্বাপক গাড়ী ঘটনাস্থলীত আহি উপস্থিত হয়। ইতিমধ্যে বহুলোকক আঘাতপ্ৰাপ্ত অৱস্থাত উদ্ধাৰ কৰা হৈছে। তেওঁলোক সকলোকে ওচৰৰ চিকিৎসালয়লৈ লৈ যোৱা হৈছে।
লগতে পঢ়ক: টাটা ষ্টীলৰ প্ৰাক্তন পৰিচালন সঞ্চালক ‘ষ্টীল মেন অৱ ইণ্ডিয়া’ খ্যাত জামছেদ ইৰাণীৰ দেহাৱসান
বাতৰি মতে, এটা জোতাৰ কাৰখানাত অগ্নিকাণ্ডৰ ঘটনাটো ঘটে। অগ্নিকাণ্ডৰ কাৰণ এতিয়াও জানিব পৰা হোৱা নাই। অগ্নি নিৰ্বাপক বিভাগৰ মতে এতিয়াও কাৰখানাটোত বহু লোক আৱদ্ধ হৈ আছে। উদ্ধাৰ অভিযান চলি আছে।
এতিয়ালৈকে তিনিজন লোকক উদ্ধাৰ কৰা হৈছে। দিল্লী আৰক্ষীয়ে কয় যে বহুলোক এতিয়াও আৱদ্ধ হৈ আছে। উদ্ধাৰ কৰা সকলৰ কোনো গুৰুতৰভাৱে আঘাতপ্ৰাপ্ত হোৱা নাই। তেওঁলোক সকলোকে এখন চিকিৎসালয়লৈ লৈ যোৱা হৈছে।
লগতে পঢ়ক: আমেৰিকা যুক্তৰাষ্ট্ৰত তীব্ৰ ডিজেল সংকট; উৱাদিহ পোৱা নাই বিডেন প্ৰশাসনে
আৰক্ষীয়ে জানিবলৈ দিছে যে এই অগ্নিকাণ্ডৰ ফলত মৃত্যু হোৱা লোক দুজনৰ পৰিচয় এতিয়াও জানিব পৰা হোৱা নাই।