ঢেকিয়াজুলীত বাঘৰ আক্ৰমণত গুৰুতৰভাৱে আহত হোৱা লোকজনে আজি গুৱাহাটী চিকিৎসা মহাবিদ্যালয়ত মৃত্যুক আঁকোৱালি লয়।
নিহত লোকজনৰ নাম ৰাজু জেনাৰ বুলি জানিব পৰা গৈছে। শনিবাৰ অৰ্থাৎ ১ নৱেম্বৰত ৰাজু বাঘৰ আক্ৰমণত গুৰুতৰভাৱে আহত হৈছিল।
ফলত তেওঁক গুৱাহাটী চিকিৎসা মহাবিদ্যালয়ত ভৰ্তি কৰোৱা হৈছিল যদিও আজি দুৰ্ভাগ্যজনকভাৱে চিকিৎসাধীন অৱস্থাতে মৃত্যুক আঁকোৱালি লয়।
আনহাতে ৰাজ্যত অব্যাহত থকা হাতী-মানুহৰ সংঘাতৰ ফলত হোজাই জিলাৰ লংকাত বনৰীয়া হাতীৰ আক্ৰমণত এজন লোকে মৃত্যুক সাবটি লয়।
উল্লেখযোগ্য যে যতীন শইকীয়া নামৰ লোকজনে ঘৰৰ সমীপত ৰৈ থকাৰ অৱস্থাতে বনৰীয়া হাতীয়ে আক্ৰমণ কৰে। এই ঘটনা লংকাৰ ২ নং পিপলপুখুৰী উদয়পুৰত সংঘটিত হয় বুলি জানিব পৰা গৈছে।
