Bokakhat , বোকাখাতৰ সমীপৰ মেথনি চাহ বাগিছাৰ ৩৭ নং ৰাষ্ট্ৰীয় পথাংশত দেওবাৰে নিশা এক শোকাবহ পথ দুৰ্ঘটনা সংঘৰটিত হয় ৷
Bokakhat, মাজ নিশা হোৱা এই পথ দুৰ্ঘটনাত এজন মটৰ চাইকেল আৰোহীৰ ঘটনাস্থলীতে মৃত্যু হয় ৷
ঘটনাৰ বিৱৰণী মতে AS 03 U 2623 নম্বৰৰ পালচাৰ মটৰ চাইকেলেৰে গৈ থকা দুজন আৰোহীয়ে মেথনি চাহ বাগিচাৰ সমীপত বিপৰীত দিশৰ পৰা অহা AS 04 AB 1380 নম্বৰৰ আই ১০ গাড়ীখনৰ সৈতে মুখমুখি সংঘৰ্ষত পৰে ৷
ঘটনাত মটৰ চাইকেল আৰোহী ভাৰত ভুষণ ভূঞাৰ ঘটনাস্থলীতে মৃত্যু হোৱাৰ বিপৰীতে সুৰ্য হাজৰিকা নামৰ আৰোহীজন গুৰুতৰভাৱে আহত হয় ৷
আহত সুৰ্য হাজৰিকাক ততাতৈয়াকৈ বোকাখাত অসামৰিক চিকিৎসালয়লৈ নিয়া হয় যদিও চিকিৎসকে তেওঁ যোৰহাট অসামৰিক চিকিৎসালয়লৈ প্ৰেৰণ কৰে ৷
ঘটনাত নিহত ভাৰত ভুষণ ভূঞাৰ ঘৰ যোৰহাটৰ ঢুলীয়াপাম আৰু সুৰ্য হাজৰিকাৰ ঘৰ বোকাখাতৰ কৈলাখাতত বুলি জানিব পৰা গৈছে ৷
আনহাতে, একে নিশাই নুমলীগড়ত AS 05 P 7641 নম্বৰৰ এখন মটৰ চাইকেল আৰু AS 03 Y 7588 নম্বৰৰ এখন স্ক’ৰপিঅ’ গাড়ীৰ মুখামুখি সংঘৰ্ষত মটৰ চাইকেল আৰোহী এজন যুৱকৰ ঘটনাস্থলীতে ম়ত্যু হয় ৷
Also read : নাছিল কোনো অন্য ৰোগ! কোভিডে প্ৰাণ কাঢ়িলে NEWS18 ASSAM & NE ৰ ২৭ বছৰীয়া সংবাদকৰ্মীৰ
প্ৰাপ্ত তথ্য মতে মটৰ চাইকেলখনত এজন যুৱক আৰু এগৰাকী মহিলা আৰোহী আছিল ৷ যুৱকজনৰ লগত একেখন মটৰ চাইকেলত অহা মহিলা গৰাকী গুৰুতৰভাৱে আহত হোৱাত প্ৰথমে বোকাখাতত প্ৰাথমিক চিকিৎসা প্ৰদান কৰি যোৰহাটলৈ প্ৰেৰণ কৰা হয় ৷ ঘটনাত নিহত যুৱক জনক এতিয়াও চিনাক্ত কৰিব পৰা নাই বোকাখাত আৰক্ষীয়ে ৷
