অসমৰ সংবাদ ক্ষেত্ৰলৈ পুনৰ এক দুঃখবৰ আহি পৰিছে।
মাৰাত্মক কোভিড-১৯য়ে প্ৰাণ কাঢ়িলে NEWS18 ASSAM & NE ৰ সংবাদকৰ্মী মনোজ কলিতাই।
মৃত্যুৰ সময়ত মনোজৰ বয়স আছিল ২৭ বছৰ।
প্ৰায়. ১৫ দিন পূৰ্বে মনোজৰ দেহত ধৰা পৰিছিল কোভিড-১৯ৰ উপস্থিতি আৰু তেতিয়াৰ পৰা হোম আইশ্বলেশ্যন হৈ আছিল মনোজ। তাৰ পাছত উশাহ-নিশাহ লোৱাত কষ্ট হোৱাত মনোজক ভৰ্তি কৰোৱা হৈছিল গুৱাহাটী চিকিৎসা মহাবিদ্যালয়ত।
তেওঁ GMCH ৰ ICU(New Building), 3rd floor ৰ ১২ নম্বৰ বিচনাত চিকিৎসাধীন হৈ আছিল। আজি সন্ধ্যা ৫:১৫ বজাত মৃত্যুক আকোৱালি লয় মনোজে।
মনোজৰ দেহত অন্য কোনো ৰোগ নাছিল বুলি জানিব পৰা গৈছে।
মৃত মনোজৰ ঘৰ নলবাৰী জিলাৰ টিহুত বুলি জানিব পৰা গৈছে।
এনেদৰেই এতিয়া মাৰাত্মক কোভিডে আপোনাৰ মোৰ চকুৰ সন্মুখৰ পৰা কাঢ়ি নিছে এজনৰ পাছত আন এজন চিনাকি তথা আত্মীয়ক।
উল্লেখযোগ্য যে, কালিৰ দিনটোত মাৰাত্মক কোভিডত ৪৬ গৰাকী লোকে মৃত্যুক আকোৱালি লৈছিল।
