ইউক্ৰেইনৰ সেনা প্ৰধান ভেলেৰী জালুঝনীয়ে যুদ্ধৰ নিয়ম উলংঘা কৰা সৈনিকক কঠোৰ শাস্তি প্ৰদানৰ প্ৰস্তাৱ আগবঢ়াইছে। সোমবাৰে ৰাষ্ট্ৰপতি ভ্লাদিমিৰ জেলেনস্কিলৈ প্ৰেৰণ কৰা ভিডিঅ’ বাৰ্তাযোগে তেওঁ এই প্ৰস্তাৱ আগবঢ়ায়। যুদ্ধক্ষেত্ৰৰ পৰা পলাই বা সেনাপতিৰ আদেশ অমান্য কৰিলে কঠোৰ শাস্তি হ’ব বুলি তেওঁ অৱগত কৰে।
লগতে পঢ়কঃ সলনি হ’ব বৃটেইনৰ নোট : নতুনকৈ কাৰ ফটো ছপা কৰা হ’ব নোটত?
চিএনএনৰ তথ্য অনুসৰি ইউক্ৰেইনৰ সেনা প্ৰধানে জেলেনস্কিক ভিডিঅ’ মেছেজত সৈনিকক শাস্তি প্ৰদানৰ বাবে নতুন আইন প্ৰৱৰ্তন কৰিবলৈ আহ্বান জনায়। সেই সময়ত তেওঁ কয় যে যুদ্ধক্ষেত্ৰৰ পৰা পলায়ন কৰা আৰু আদেশ অমান্য কৰাসকল সেনা সকলৰ বাবে ইউক্ৰেইনে যুদ্ধত শক্তি হেৰুৱাই পেলাইছে।
লগতে পঢ়কঃ শ্ৰমিকৰ নামত আহিল ১৪ কোটি টকাৰ আয়কৰ জাননী! তাৰ পিছত….!
ভিডিঅ’টোত তেওঁ লগতে কয় যে সেনাবাহিনীৰ আটাইতকৈ গুৰুত্বপূৰ্ণ দিশটো হ’ল অনুশাসন। প্ৰায়ে তেওঁলোকে পলায়নৰ ফলত হেৰুৱা মাটিখিনি উদ্ধাৰৰ বাবে নতুন অভিযান চলাবলগীয়া হয়। ইয়াৰ ফলত অধিক লোকৰ মৃত্যু হয়।
লগতে পঢ়কঃ গোৱালপাৰাত বন্য হাতীৰ গচকত যুৱকৰ মৃত্যু
শেহতীয়াকৈ ইউক্ৰেইনৰ সংসদে সামৰিক অনুশাসনৰ আইন পৰিৱৰ্তনত অনুমোদন জনাইছে। এই আইন কাৰ্যকৰী হ’বলৈ এতিয়া জেলেনস্কিৰ স্বাক্ষৰৰ প্ৰয়োজন। ইউক্ৰেইনৰ সেনা প্ৰধানে তেওঁক চহী কৰিবলৈ আহ্বান জনাই বাৰ্তা প্ৰেৰণ কৰিছে।
লগতে পঢ়কঃ জাহাজ বিকল হৈ ভাৰত মহাসাগৰত উপঙি থাকিল ১০৪ জন ৰোহিংগীয়া প্ৰবজনকাৰী : উদ্ধাৰ কৰিলে সেনাই