ৰাষ্ট্ৰসংঘৰ আৰ্থ প্ৰোগ্ৰেমে (য়ু এন ই পি) জনসাধাৰণৰ মাজত অ’জন স্তৰৰ সুৰক্ষাৰ ক্ষেত্ৰত সজাগতা বৃদ্ধিৰ বাবে শীঘ্ৰেই এটা মোবাইল গেইম মুকলি কৰিব।
‘ৰিছেট আৰ্থ’ নামৰ মোবাইল গেইমটোৰ সহায়ত খেলুৱৈ সকলে পৃথিৱীৰ উপৰি ভাগৰ বায়ু মণ্ডলত থকা অ’জন স্তৰক বচাব লাগিব।
মোবাইল গেইমটোত এগৰাকী ব্যৱহাৰকাৰীয়ে তিনিগৰাকী কিশোৰ হিচাপে ভাগ ল’ব পাৰিব যিয়ে ২০৮৪ চনৰ পৰা সময়ৰ বিপৰীতে ভ্ৰমণ কৰিব লাগিব আৰু ১৯৮৭ চনত অ’জন স্তৰ সংৰক্ষণৰ ক্ষেত্ৰত সম্পাদিত হোৱা চুক্তি সন্দৰ্ভত কাম কৰিব লাগিব।
এই মোবাইল গেইমটোত বিশ্বত ভাইৰাছৰ বৃদ্ধি ৰোধ কৰাৰ ক্ষেত্ৰতো খেলুৱৈ সকলে কাম কৰিব লাগিব।
উল্লেখযোগ্য যে, বিশ্বত ক্ৰমাৎ বৃদ্ধি পোৱা ভাইৰাছৰ বৃদ্ধি আৰু অ’জন স্তৰ পাতল হোৱা সম্পৰ্কত জনসাধাৰণৰ মাজত সজাগতা বৃদ্ধিৰ উদ্দেশ্যৰে ৰাষ্ট্ৰসংঘৰ আৰ্থ প্ৰোগ্ৰামে এই মোবাইল গেইমটো মুকলি কৰিব।
অ’জন স্তৰৰ ক্ষতিসাধনৰ ফলত অতি বেঙুনীয়া ৰশ্মিৰ পৃথিৱীৰ ভূ-ভাগলৈ গমনে ভবিষ্যত প্ৰজন্মক কেনেদৰে ক্ষতিসাধন কৰিব পাৰে সেই সম্পৰ্কেই মোবাইল গেইমটোত দেখুওৱা হ’ব বুলি জনিব পৰা গৈছে।
