দৌৰ ৰাণী হিমা দাস য়ুনিচেফ ইণ্ডিয়াৰ যুৱ এম্বেছেডৰ হিচাপে নিযুক্ত
অসমৰ গৌৰৱ দৌৰ ৰাণী হিমা দাসক য়ুনিচেফ ইণ্ডিয়াই যুৱ এম্বেছেডৰ হিচাপে নিযুক্তি দিয়া হৈছে। আজি অনুষ্ঠিত এক বিশেষ অনুষ্ঠানত য়ুনিচেফ ইণ্ডিয়াই এই কথা সদৰী কৰে।
য়ুনিচেফ ইণ্ডিয়াৰ টুইটাৰ হেণ্ডেলত এই কথা প্ৰকাশ কৰি তেওঁলোকে লগতে জনাই যে বিশ্ব শিশু দিৱস উদযাপনৰ অংশ হিচাপে নিযুক্ত কৰা হিমা দাসে হৈছে য়ুনিচেফ ইণ্ডিয়াৰ সৰ্বপ্ৰথম যুৱ এম্বেছেডৰ।
Meet our Youth Ambassador, Hima Das!
The Asian Games medallist is @UNICEF India’s first ever youth ambassador as part of #WorldChildrensDay celebration.#GoBlue pic.twitter.com/4WYieI6MhB— UNICEF India (@UNICEFIndia) November 14, 2018
প্ৰত্যেক বছৰৰ ২০ নৱেম্বৰৰ দিনটোক বিশ্ব শিশু দিৱস উদযাপন কৰি অহা হয়।
উল্লেখযোগ্য যে যুৱ এম্বেছেডৰ হিচাপে হিমাই শিশুৰ অধিকাৰ আৰু প্ৰয়োজনীয়তা সম্বন্ধে সজাগতা সৃষ্টি কৰাৰ লগতে শিশুসকলক সিদ্ধান্ত গ্ৰহণৰ দৰে গুৰুত্বপূৰ্ণ ক্ষেত্ৰত সক্ৰিয়ভাৱে অংশগ্ৰহণ কৰাৰ বাবে উদ্বুদ্ধ কৰিব।
য়ুনিচেফ ইণ্ডিয়াৰ যুৱ এম্বেছেডৰ হিচাপে নিযুক্ত হৈ গৌৰৱাম্বিত হৈ পৰা হিমাই শিশুসকলক তেওঁলোকৰ সপোন অনুসৰণ কৰাত অনুপ্ৰাণিত কৰিব পাৰিব বুলি আশা প্ৰকাশ কৰে।
“I’m honoured to be chosen as @UNICEF India’s Youth Ambassador, and I hope I will be able to inspire more children to follow their dreams” — Hima Das, Asian Games medallist.#ChildrensDay #GoBlue pic.twitter.com/y259UrVkFS
— UNICEF India (@UNICEFIndia) November 14, 2018