কৰমণ্ডল ৰে’ল দুৰ্ঘটনাত নিহত হোৱা বহু লোক এতিয়াও চিনাক্ত হোৱা নাই। পৰিয়ালৰ কোনো লোকৰো সন্ধান পোৱা হোৱা নাই। বৰ্তমান সকলো মৃতদেহ বালেশ্বৰৰ পৰা আঁতৰাই অনাৰ কাম চলি আছে। আৰু ভাল কৰি যাতে মৃতদেহ সংৰক্ষণ কৰিব পৰা যায় তাৰবাবে মৃতদেহবোৰ ৰাজধানী ভুৱনেশ্বৰলৈ লৈ অনা হৈছে। ওড়িশা চৰকাৰে তেনে সিদ্ধান্তই লৈছে।
ভুৱনেশ্বৰত মৃতদেহ সংৰক্ষণৰ ব্যৱস্থা বালেশ্বৰতকৈ তুলনামূলকভাৱে ভাল। গতিকে এই সিদ্ধান্ত লোৱা হৈছে বুলি ওড়িশাৰ মুখ্য সচিব প্ৰদীপ কুমাৰ জেনাই জানিবলৈ দিয়ে।
লগতে পঢ়ক: প্ৰকৃত সেনানী! কৰমণ্ডলত মোবাইলৰ পোহৰত উদ্ধাৰ কাৰ্য আৰম্ভ কৰা সেই নায়কসকলৰ কথা জানেনে?
তেওঁ কয় যে এই পৰ্যন্ত আৰু ১৬০টা মৃতদেহ চিনাক্ত কৰিব পৰা হোৱা নাই। শনিবাৰে সন্ধিয়া মুখ্য সচিবগৰাকীয়ে কয় যে আমি ১৬০টা মৃতদেহ ভুৱনেশ্বৰলৈ আনিম। সেইবোৰ ৰাজধানীৰ বিভিন্ন চৰকাৰী আৰু বেচৰকাৰী চিকিৎসালয়ৰ মৰ্গত ৰখা হ’ব।
৪২ ঘণ্টা ধৰি মৃতদেহবোৰ সংৰক্ষণ কৰা হ’ব। তাৰ ভিতৰত আত্মীয় মানুহ ভুৱনেশ্বৰলৈ আহি মৃতদেহ চিনাক্ত কৰিব পাৰিব। এই সময়ছোৱাত চিনাক্ত কৰিব নোহোৱা সকলো মৃতদেহ কিছু চিকিৎসা পদ্ধতি অনুসৰণ কৰি ওড়িশা চৰকাৰে দাহ কৰি পেলাব।
মুখ্য সচিবগৰাকীয়ে কয় যে এই দুৰ্ঘটনাৰ বাবে ভদ্ৰক আৰু বালেশ্বৰত ৰে’ল সেৱা ব্যাহত হৈ পৰিছে। গতিকে মৃতকৰ আত্মীয়ই পোনপটীয়াকৈ ভুৱনেশ্বৰলৈ আহি মৃতদেহটো চিনাক্ত কৰিব পাৰিব।
লগতে পঢ়ক: সঘনাই কাণত ইয়াৰবাড, বধিৰ হৈ পৰিল যুৱক; সতৰ্ক হওক, নহ’লে পস্তাৱ লাগিব জীৱনভৰ!
দুৰ্ঘটনাস্থলীৰ পৰা উদ্ধাৰ হোৱা যিবোৰ চিনাক্ত হৈছে সেই মৃতদেহবোৰ মৰণোত্তৰ পৰীক্ষাৰ অন্তত পৰিয়ালকেইটাক গতাই দিয়া হৈছে। চিনাক্ত নোহোৱা লোকসকলৰ মৃতদেহ বালেশ্বৰৰ বাহাংগা হাইস্কুল আৰু নৰ্থ ওড়িশা চেম্বাৰ অৱ কমাৰ্চ এণ্ড ইণ্ডাষ্ট্ৰীৰ অস্থায়ী মৰ্গত ৰখা হৈছে। তাৰ পৰাই ভুৱনেশ্বৰলৈ প্ৰেৰণ কৰা হ’ব মৃতদেহবোৰ। ওড়িশাৰ বিভিন্ন চিকিৎসালয়ত এতিয়াও বহু লোক চিকিৎসাধীন হৈ আছে। বহুতকে মুকলি কৰি দিয়া হৈছে।
