মামিতৰ মহকুমা আৰক্ষী বিষয়া জেকব লাইচ্চোৱে সদৰি কৰিছে যে মামিত জিলা নিৰ্বাচনী কাৰ্যালয়ৰ পৰা ব্ৰুসকলৰ সংশোধনী প্ৰপত্ৰৰ ৰোল চুৰি হৈ যোৱাৰ বাতৰি পোৱা গৈছে।
যোৱা সপ্তাহত এই চুৰিৰ ঘটনাটো সংঘটিত হৈছে বুলি এটা আৰক্ষী সূত্ৰত প্ৰকাশ পাইছে। জানিব পৰা মতে চুৰি হৈ যোৱা প্ৰপত্ৰসমূহ ৬,৭ আৰু ৮ নং ৰোলসমূহৰ অন্তৰ্গত আছিল আৰু কিমান কেইখন প্ৰপত্ৰ চুৰি হৈছে সেই সম্পৰ্কে আৰক্ষী নিশ্চিত ব’ব পৰা নাই।
আৰক্ষী সূত্ৰই জনোৱা মতে ব্ৰুসকলৰ নিৰ্বাচনী ৰোলসমূহ ত্ৰিপুৰাৰ ট্ৰেনজিট কেম্পত ৰখা হৈছিল তাৰ পাছত সেই প্ৰপত্ৰসমূহ ২০ আগষ্টৰ প্ৰায় ১১-০০ মান বজাত মামিত জিলা নিৰ্বাচনী কাৰ্যালয়লৈ লৈ যোৱা হৈছিল। বৃহস্পতিবাৰে নিশা কোনো অচিনাক্ত লুটপাতকাৰীয়ে গ্ৰাউণ্ড ফ্ল’ৰৰ খিৰিকিৰ শলখা ভাঙি প্ৰৱেশ কৰি প্ৰপত্ৰসমূহ লৈ যায়।
আমিত জিলাৰ আৰক্ষী অধীক্ষক থাংজুৱালাই কৈছে যে আগষ্টৰ ২৫ তাৰিখে মহকুমা আৰক্ষী বিষয়া জেকব লাইচ্চোৰ নেতৃত্বত এটা ৪জনীয়া বিশেষ অনুসন্ধানকাৰী দল (SIT) গঠন কৰা হৈছে।
‘‘মই মাত্ৰ কব পাৰোঁ যে বৰ্তমান অনুন্ধান চলি আছে। নিৰ্বাচনী কাৰ্যালয় লুট কৰা হৈছে আৰু দোষীক কৰায়ত্ব কৰিবলৈ আৰক্ষীয়ে চেষ্টা কৰি আছে।’’ মিজোৰামৰ যুটীয়া মুখ্য কাৰ্যবাহী বিষয়া ঝোৰামুৱানাই কয়।
বিশেষ অনুসন্ধানকাৰী দলৰ মুৰব্বী জেকব লাইচ্চোৱে কৈছে যে কাৰআলয়টোত কোনো চিচিটিভি নাছিল আৰু নিৰাপত্তাৰক্ষীসকলে ইলেক্ট্ৰনিক ভোটি মেছিন থকা বিল্ডিংটোত পহৰা দি আছিল।
লাইচ্চোৱে জনাইছে যে নিৰাপত্তাৰক্ষীসকলৰ দৃষ্টিয়ে ঢুকি নোপোৱা ঠাইৰ পৰা লুটপাতকাৰীসকলে প্ৰৱেশৰ সুবিধা কৰি লৈ নিৰাপদে নিৰ্বাচনী ই-ৰোল সংশোধনী প্ৰপত্ৰসমূহ লৈ উধাও হৈ গৈছিল।
তেওঁ আৰু কৈছে যে যিহেতু ব্ৰুসকলৰ প্ৰত্যাৰ্পণ প্ৰক্ৰিয়া চলি আছে সেয়েহে বিষয়টো যথেষ্ট সংবেদনশীল হৈ আছে।কাৰোবাক গ্ৰেপ্তাৰ কৰাৰ পূৰ্বে বিশেষ অনুসন্ধানকাৰী দলটোৱে প্ৰয়োজনীয় সাক্ষ্য সংগ্ৰহ কৰিব বুলি তেওঁ জনাইছে।
বিশেষ অনুসন্ধানকাৰী দলটোৱে ঘটনাটো সন্দৰ্ভত ১১গৰাকী নিৰ্বাচনী কাৰ্যালয়ৰ কৰ্মচাৰীৰ লগতে মামিত ৱাইএমএ কাৰ্যালয়ৰ বেয়াৰাৰ সাক্ষাৎ গ্ৰহণ কৰাৰ লগতে পৰীক্ষা সম্পন্ন কৰিছে।
মামিতৰ অতিৰিক্ত উপায়ুক্ত গৰাকীয়ে জনাইছে যে মিজো আৰু ব্ৰুসকলৰ মাজত দীৰ্ঘদিন ধৰি এটা তিক্ত ইতিহাস থকা হেতুকে ঘটনাটো অতি সংবেদনশীলভাৱে গ্ৰহণ কৰা হৈছে আৰু আজি পৰ্যন্ত কাৰো গ্ৰেপ্তাৰ কৰা হোৱা নাই।
