কেন্দ্ৰীয় মন্ত্ৰী নীতিন গাডকাৰী ক’ভিড পজিটিভ

বিজেপি নেতৃত্বাধীন কেন্দ্ৰীয় চৰকাৰৰ বিভিন্ন সাংসদৰ পিছত এইবাৰ কেন্দ্রীয় মন্ত্রী নীতিন গাডকাৰি ক’ৰ’না ভাইৰাছত আক্ৰান্ত হোৱাৰ খবৰ আহিছে।

বুধবাৰে মন্ত্ৰীগৰাকীয়ে নিজৰ ছ’চিয়েল মিডিয়াযোগে এই কথা ৰাজহুৱা কৰে।

গাডকাৰীয়ে টুইটাৰত কয়, ‘কালি মই দুর্বল অনুভৱ কৰিছিলো আৰু চিকিৎসকৰ সৈতে পৰামর্শ কৰিছিলো৷ স্বাস্থ্য পৰীক্ষাৰ সময়ত মোৰ ক’ভিড-১৯ পজিটিভ পোৱা হয়৷ ভগৱানৰ আশীর্বাদত মই ভালে আছোঁ৷ মই আছুতীয়াকৈ আছো৷’

Yesterday, I was feeling weak and consulted my Doctor. During the course of my check up, I have been tested COVID 19 positive. I am at present doing well with the blessings and good wishes of all. I have isolated myself.

— Nitin Gadkari (@nitin_gadkari) September 16, 2020

আনহাতে তেওঁ বৰ্তমান নিজ ঘৰতে আছুতীয়াকৈ আছে বুলি উল্লেখ কৰে।

ইফালে তেওঁ আন এটা টুইট কৰি যোৱা কিছুদিনত তেওঁৰ সংস্পৰ্শলৈ অহা সকলো লোককে সাৱধানতা অৱলম্বন কৰাৰ লগতে ক’ভিড প্ৰট’কল মানি চলাৰ পৰামৰ্শ দিয়ে।

উল্লেখ্য যে কিছু দিন পূৰ্বে আন এগৰাকী কেন্দ্ৰীয় মন্ত্ৰী কৃষ্ণপাল সিং গুৰ্জৰো ক’ৰ’না ভাইৰাছত আক্ৰান্ত হৈছিল।