উত্তৰ প্ৰদেশৰ লখিমপুৰ-খেৰী জিলাত এটা হত্যাকাণ্ডৰ গোচৰত জেৰাৰ বাবে মাতি অনা ব্যক্তিৰ আৰক্ষীৰ জিম্মাত মৃত্যুৰ ঘটনা পোহৰলৈ আহিছে।ইণ্ডিয়ান এক্সপ্ৰেছৰ তথ্য অনুসৰি মিটৌলী থানাত সংঘটিত হোৱা এই ঘটনাত নাবালক হত্যাৰ সৈতে জড়িত গোচৰৰ সন্দৰ্ভত সোধা-পোছাৰ বাবে অনা আশাৰাম নামৰ ৫০ বছৰীয়া দলিত ব্যক্তিৰ শুকুৰবাৰে নিশা মৃত্যু হয়।
লগতে পঢ়ক: এটা ফ্ৰকক লৈ বিক্ৰেতাৰ সৈতে দ্বন্দ্ব!৫০টকাৰ বাবে দোকানীৰ আঙুলি কামুৰিলে ক্ৰেতাই
আৰক্ষীয়ে জনোৱা মতে, মৃত লোকজনে পেটৰ বিষৰ অভিযোগ দিয়াৰ পাছত তেওঁক চিকিৎসালয়লৈ লৈ যোৱা হয়, য’ত তেওঁক মৃত ঘোষণা কৰা হয়। একে সময়তে মৃতকৰ পৰিয়ালে বেয়াকৈ প্ৰহাৰ কৰাৰ লগতে বিদ্যুৎস্পৃষ্ট কৰাৰো অভিযোগ উত্থাপন কৰিছে।
টাইমছ অৱ ইণ্ডিয়াৰ তথ্য অনুসৰি অতিৰিক্ত আৰক্ষী অধীক্ষক নেপাল সিঙে কয় যে মৃতকৰ পুত্ৰৰ অভিযোগত পিপাৰচালা আৰক্ষী চকীৰ ভাৰপ্ৰাপ্ত বিষয়া তথা মুখ্য কনিষ্টবল ব্রীজ পালৰ বিৰুদ্ধে এফআইআৰ ৰুজু কৰা হৈছে আৰু সম্প্ৰতি তেওঁক নিলম্বন কৰা হৈছে।দুয়োজন আৰক্ষীৰ বিৰুদ্ধে আই পি চিৰ ধাৰা ৩০২ (হত্যা) আৰু ৩৪২ (অনুচিতভাৱে কাৰাবন্দী)ৰ অধীনত গোচৰ ৰুজু কৰা হৈছে।
লগতে পঢ়ক: ছলমান খানৰ বাসগৃহৰ বাহিৰত গুলীচালনা!অভিনেতাজনৰ আবাসৰ প্ৰথম মহলাত লাগিল গুলী
আশাৰামৰ পৰিয়ালৰ লোকে জনোৱা মতে, মৃতদেহত থাৰ্ড ডিগ্ৰী নিৰ্যাতনৰ চিহ্ন পাইছে বুলি অভিযোগ উত্থাপন হৈছে। ইফালে শনিবাৰে পুৱা আশাৰামৰ পৰিয়ালৰ লোক আৰু গাঁওবাসীয়ে মৃতদেহ লৈ প্ৰতিবাদ সাব্যস্ত কৰি লখিমপুৰ-মগলগঞ্জ ঘাইপথ অৱৰোধ কৰে।
খেৰীৰ আঞ্চলিক বিষয়া (চি অ’) চমশ্বেৰ বাহাদুৰ সিঙে কয় যে প্ৰতিবাদকাৰীসকলে শীঘ্ৰে ব্যৱস্থা গ্ৰহণৰ আশ্বাস লাভ কৰি সন্ধিয়া বিক্ষোভৰ অন্ত পেলায়।বৰ্তমান মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে।ইতিমধ্যে বিষয়টোৰ তদন্ত আৰম্ভ হৈছে।
লগতে পঢ়ক: বৌৰ্ণভিটা ‘স্বাস্থ্যকৰ পানীয়’ নহয়! তালিকাৰ পৰা নাম আঁতৰাবলৈ কেন্দ্ৰৰ নিৰ্দেশ
