অবিশ্বাস্য! জাহাজৰ খুন্দাত খহি পৰিল এখন বিশাল দলং; ডুবিল বহু গাড়ী-মটৰ, ক’ত? চাওক ভিডিঅ’

অবিশ্বাস্য এক ঘটনা। এখন মালবাহী জাহাজৰ খুন্দাত এখন বিশাল দলং ভাঙি পৰিল। পুতলা দলঙৰ দৰে চকুৰ পলকতে টুকুৰা টুকুৰ হৈ নদীত পৰিল। আমেৰিকা যুক্তৰাষ্ট্ৰৰ মেৰিলেণ্ডৰ এই ঘটনাত তোলপাৰ বাল্টিমোৰ। মঙলবাৰে পুৱা ঘটনাৰ ভিডিঅ’ ভাইৰেল হৈ পৰে ছ’চিয়েল মিডিয়াত।

মঙলবাৰে পুৱা বাল্টিমোৰত এখন মালবাহী জাহাজে দলঙত খুন্দা মৰাৰ ফলত জুই লাগে। লাহে লাহে সেইখন পানীত ডুব যায়। কিন্তু জাহাজখনৰ খুন্দাত দলংখন ভাঙি পৰিল। সেই ব্যস্ত সময়ত দলঙৰ ওপৰেৰে বহু যান-বাহন চলি আছিল। সেইবোৰো হুৰহুৰাই পানীত পৰি যায়।

লগতে পঢ়কঃ সময়ৰ আহ্বান! ১৪ বছৰৰ তলৰ শিশুৰ বাবে কঠোৰভাৱে নিষিদ্ধ কৰা হ’ল ছ’চিয়েল মিডিয়া

আমেৰিকাৰ সংবাদ মাধ্যমৰ বাতৰি অনুসৰি নিশা প্ৰায় ১:৩০ বজাত দেশখনৰ জৰুৰীকালীন নম্বৰ ৯১১ত দলংখন ভাঙি পৰাৰ বিষয়ে ফোন আহে। আৰক্ষীয়ে লৰালৰিকৈ গৈ দেখে যে দলংখন নিচিহ্ন হৈ গৈছে।

বাল্টিমোৰ অগ্নিনিৰ্বাপক বাহিনীৰ এজন বিষয়া কেভিন কাৰ্টৰাইটে সাংবাদিকৰ আগত কয় যে এখন বৃহৎ জাহাজে খুন্দা মৰাৰ ফলত পাটুস্কে নদীৰ ওপৰত থকা দলংখন ভাঙি পৰে। কমেও ৭খন বাহন আৰু ৭জন লোক নদীত পৰি যায়।

The Francis Scott Key Bridge in Baltimore, Maryland which crosses the Patapsco River has reportedly Collapsed within the last few minutes after being Struck by a Large Container Ship; a Mass Casualty Incident has been Declared with over a Dozen Cars and many Individuals said to… pic.twitter.com/SsPMU8Mjph

— OSINTdefender (@sentdefender) March 26, 2024

ঘটনাৰ খবৰ পোৱাৰ পিছতে তাত উপস্থিত হয় জৰুৰীকালীন বিভাগৰ কৰ্মীসকল। দলঙৰ প্ৰৱেশদ্বাৰত বেৰিকেড স্থাপন কৰা হয়। তাৰ পিছতে উদ্ধাৰৰ কাম আৰম্ভ হয়।