প্ৰধানমন্ত্ৰী হিচাপে সমৰ্থন নকৰে মিত্ৰজোঁটৰ দল ইউটিজে; ক্ষমতাৰ ৰাজনীতিত আৰু সংকটত নেতানিয়াহু

ইজৰাইলৰ প্ৰধানমন্ত্ৰী বেঞ্জামিন নেতানিয়াহুৰ বাবে ক্ষমতাত বৰ্তি থকাটো অধিক কঠিন হৈ পৰিছে। এপিনে, তেওঁৰ নেতৃত্বত গঠিত কঠোৰ ইহুদীবাদী মিত্ৰজোঁটে নিৰ্বাচনত সংখ্যাগৰিষ্ঠতা লাভ কৰা নাই। তাৰ পিছতে মিত্ৰজোঁটৰ আন এক অংশীদাৰে ঘোষণা কৰিছে যে তেওঁলোকে পৰৱৰ্তী প্ৰধানমন্ত্ৰী হিচাপে নেতানিয়াহুক সমৰ্থন নকৰে। পৰিস্থিতি এনে হৈ পৰিছে যে এই কট্টৰপন্থী নেতাজন ইজৰাইলৰ ক্ষমতাৰ ৰাজনীতিত ক্ৰমান্বয়ে একাষৰীয়া হৈ পৰিছে।

২৭ অক্টোবৰত ইজৰাইলত সংসদীয় নিৰ্বাচন অনুষ্ঠিত হয়। ইয়াত নেতানিয়াহুৰ নেতৃত্বত মিত্ৰজোঁটে ১২০খন আসনৰ সংসদত ৫৩খন আসন লাভ কৰে। অৱশ্যে সংখ্যাগৰিষ্ঠতাৰ বাবে ৬১খন আসনৰ প্ৰয়োজন।

আনহাতে, প্ৰাক্তন সেনা প্ৰধান গাডি আইজেনকোটৰ নেতৃত্বত নেতানিয়াহু বিৰোধী মিত্ৰজোঁটে ৪৮খন আসন লাভ কৰে। ইজৰাইলৰ দুটা আৰব দলেও অভূতপূৰ্ব ফলাফল লাভ কৰে। একেলগে তেওঁলোকে সংসদ নেচেটৰ ১৯খন আসন লাভ কৰে।

যিহেতু কোনো মিত্ৰজোঁটে সংখ্যাগৰিষ্ঠতা লাভ কৰিব পৰা নাই, গতিকে চৰকাৰ গঠনৰ বিষয়ে বিস্তৃত আলোচনা চলি আহিছে। ইজৰাইলৰ ৰাষ্ট্ৰপতি আইজাক হাৰ্জগে বুধবাৰৰ পৰা চৰকাৰ গঠনৰ আলোচনা আৰম্ভ কৰিছে। ১১ নৱেম্বৰলৈকে তেওঁৰ হাতত আছে। এই সময়লৈকে যদি চৰকাৰ গঠন নহয় তেন্তে নতুন নিৰ্বাচন অনুষ্ঠিত হ’ব। তেতিয়ালৈকে নেতানিয়াহু অন্তৱৰ্তীকালীন প্ৰধানমন্ত্ৰী হিচাপে থাকিব।

হাৰ্জগৰ এই প্ৰচেষ্টাৰ মাজতে তেওঁৰ মিত্ৰজোঁটৰ অংশীদাৰ অতি ৰক্ষণশীল ইহুদী দল ইউনাইটেড টোৰাহ জুদাইজম (ইউ টি জে)য়ে বৃহস্পতিবাৰে নেতানিয়াহুক বৰ বেয়া খবৰ দিলে। দলটোৱে স্পষ্টভাৱে কয় যে চৰকাৰ গঠনৰ বাবে নেতানিয়াহুকে নহয়, আন কাকোৱেই ছুপাৰিছ বা সমৰ্থন নকৰে। অৱশ্যে নিৰ্বাচনৰ পিছত দলটোৱে বাৰে বাৰে ইংগিত দিছে যে তেওঁলোকে নেতানিয়াহুৰ সংগ এৰিব পাৰে।

এই নিৰ্বাচনত ইউনাইটেড টোৰাহ জুদাইজমে ৭খন আসন লাভ কৰে। অৰ্থাৎ তেওঁলোকে প্ৰত্যাহাৰ কৰাৰ পিছত নেতানিয়াহু মিত্ৰজোঁটৰ আসনৰ সংখ্যা হ’ব ৪৬খন।ফলত আইজেনকোটৰ মিত্ৰজোঁটৰ তুলনাত নেতানিয়াহু মিত্ৰজোঁটৰ আসনৰ সংখ্যা হ্ৰাস পাব।

বিৰোধী মিত্ৰজোঁটৰ বাবে আৰু এটা ডাঙৰ খবৰ হৈছে, এটা আৰব দলে আইজেনকটক প্ৰধানমন্ত্ৰী হিচাপে সমৰ্থন কৰিব পাৰে বুলি খবৰ ওলাইছে। টাইমছ অৱ ইজৰাইলৰ বাতৰি অনুসৰি এই পাৰ্টিটো হৈছে মনছুৰ আব্বাছৰ ৰাঅম। এতিয়া তেওঁলোকে ৮খন আসন লাভ কৰিছে। এই আসনকেইখন সংযোজন কৰিলে আইজেনকটৰ হাতত প্ৰধানমন্ত্ৰীৰ পদৰ বাবে সমৰ্থন কৰিব পৰাকৈ মুঠ ৫৬খন আসন থাকিব। মুঠতে নেতানিয়াহুৰ পতনৰ পথ মোটামুটি স্পষ্ট যদিও অৱশেষত নেচেটৰ দায়িত্ব কোনে ল’ব সেয়া চাবলৈ আৰু কেইদিনমান অপেক্ষা কৰিব লাগিব।