বৈভৱ সূৰ্যবংশীয়ে চৈয়দ মুস্তাক আলী ট্ৰফীত ৰান পোৱা নাছিল। ১৪ বছৰীয়া বেটছমেনগৰাকীয়ে ভাৰতীয় জাৰ্চি পিন্ধিয়েই বিধ্বংসী ৰূপ ধাৰণ কৰিলে।
১৯ বছৰ অনুৰ্ধ এছিয়া কাপত সংযুক্ত আৰব আমিৰশ্বাহীৰ বিৰুদ্ধে ৫৬ টা বলতে শতক সম্পূৰ্ণ কৰিলে বৈভৱে।
জুনিয়ৰ এছিয়া কাপত আমিৰশ্বাহীৰ অধিনায়ক য়ায়িন কিৰণ ৰাইয়ে টছত জয়লাভ কৰি ফিল্ডিং কৰাৰ সিদ্ধান্ত লয়। ভাৰতে প্ৰথমে বেটিং কৰাৰ সুযোগ সম্পূৰ্ণৰূপে ব্যৱহাৰ কৰে। বিশেষকৈ বৈভৱৰ কথা কোৱাই ভাল।
অধিনায়ক আয়ুষ মাত্ৰে ১১টা বলত ৪ ৰান সংগ্ৰহ কৰি আউট হয় যদিও বৈভৱ চিনাকি ফৰ্মত আছিল। ২২ গজৰ এটা মূৰ ধৰি ৰাখি তেওঁ দলৰ ইনিংছ আগুৱাই লৈ যায়।
শুকুৰবাৰে ৫০ অভাৰৰ খেলখনৰ আৰম্ভণিতে কিছু সংযম দেখুৱায় বৈভৱে। থিতাপি লোৱাৰ পিছত তেওঁ বিপক্ষৰ বলাৰক কোনো ধৰণৰ ৰেহাই নিদিলে। ২০ অভাৰৰ ক্ৰিকেটৰ গতিৰে তেওঁ ৰান সংগ্ৰহ কৰে।
তিনি নম্বৰলৈ নামি অহা এৰন জৰ্জৰ সৈতে প্ৰায় ২০০ ৰানৰ পাৰ্টনাৰশ্বিপ গঢ়ি তোলে। সেই যুটীটো দমনীয় প্ৰভাৱ বৈভৱৰ। শতক অৰ্জনৰ পথত বৈভৱে ৫টা চাৰিআৰু ৯টা ছয় মাৰে।
শতক সম্পূৰ্ণ কৰাৰ পিছত বৈভৱ অধিক আক্ৰমণাত্মক হৈ পৰে। ষ্ট্ৰাইক ৰেট আছিল ১৮৫তকৈ অধিক। বৈভৱৰ আধিপত্যৰে ২৫ অভাৰতে ভাৰতৰ ৰান ১ উইকেটত ২০৪ ৰান।
