বিজেপিৰ বৰঘৰত সহ্য নহ’ল ‘গান্ধী’ৰ দপদপনি! গুৰুত্বপূৰ্ণ পদৰ পৰা অঁতৰালে মাতৃ-পুত্ৰক

বৰুণ গান্ধীয়ে শেহতীয়াকৈ এটা ভিডিঅ’ প’ষ্ট কৰিছিল। ৩৭ ছেকেণ্ডৰ ভিডিঅ’টো আছিল ৩ অক্টোবৰৰ লখিমপুৰ খেৰী সংঘৰ্ষৰ।

ভিডিঅ’টোৰ স’তে তেওঁ লিখিছিল যে কৃষি আইন বিৰোধী প্ৰতিবাদকাৰীসকলক হত্যাৰে নিশ্চুপ কৰিব নোৱাৰি।

তদুপৰি তেওঁ প্ৰতিবাদকাৰীসকলৰ সমৰ্থনত লিখে যে সংঘৰ্ষ বলি হোৱা নিমাখিত কৃষককেইজনৰ তেজৰ মূল্য আছে।

প্ৰতিজন কৃষকৰ মনলৈ হিংস্ৰভাৱ উদয় হোৱাৰ পূৰ্বেই সংঘৰ্ষটোৰ বলি হোৱাসকললৈ ন্যায় প্ৰদান কৰা উচিত বুলিও তেওঁ কয়।

The video is crystal clear. Protestors cannot be silenced through murder. There has to be accountability for the innocent blood of farmers that has been spilled and justice must be delivered before a message of arrogance and cruelty enters the minds of every farmer. 🙏🏻🙏🏻 pic.twitter.com/Z6NLCfuujK

— Varun Gandhi (@varungandhi80) October 7, 2021

চৰকাৰৰ এই স্বেচ্ছাচাৰিতাৰ প্ৰতিবাদ কৰাৰ কিছু সময়ৰ পাছতে আজি বিজেপিৰ ৮০ জনীয়া ৰাষ্ট্ৰীয় কাৰ্যনিৰ্বাহক সমিতিৰ পৰা বাদ দিয়া হৈছে বৰুণ গান্ধী আৰু তেওঁর মাতৃ মানেকা গান্ধীক।

তেওঁলোকৰ উপৰিও আন এজন জ্যেষ্ঠ বিজেপি নেতা তথা প্ৰাক্তন কেন্দ্ৰীয় মন্ত্ৰী চৌধুৰী বিৰেন্দৰ সিঙকো সমিতিখনৰ পৰা বাদ দিয়া হৈছে। দুয়োজন নেতাই কৃষি আইনৰ বিৰুদ্ধাচৰণ কৰি আহিছে।