অসম কৃষি বিশ্ববিদ্যালয়ৰ উপাচাৰ্য কে এম বুজৰবৰুৱাই অসম আৰু উত্তৰ পূৰ্বাঞ্চলৰ ৰাজ্যসমূহক থকা ঔষধি আৰু সুগন্ধি বৃক্ষৰ খণ্ডটোক এটা ইতিবাচক গতি দিয়াৰ পোষকতা কৰিছে।
২৮ ছেপ্টেম্বৰত ঔষধি আৰু সুগন্ধি বৃক্ষৰ সন্দৰ্ভত এক সুসমন্বিত সৰ্বভাৰতীয় গৱেষণা প্ৰকল্প গোটৰ এটাৰ বাৰ্ষিক সভাত ভাষণ দি তেওঁ এই কথা ব্যক্ত কৰে।
উপাচাৰ্যগৰাকীয়ে ঘোষণা কৰিছে যে বিশ্ববিদ্যালয়খনক আয়ুষ (AYUSH) মন্ত্ৰ্যালয়ে ২টা ডাঙৰ প্ৰকল্প প্ৰদান কৰিছে। তেওঁ কৈছে যে এই প্ৰকল্পৰ অধীনত অসম কৃষি বিশ্ববিদ্যালয়ৰ অন্তৰ্গত ২৩টা কৃষি বিজ্ঞান কেন্দ্ৰৰ অধীনত ১০০০ হেক্টৰ ভূমিত ঔষধি আৰু সুগন্ধি বৃক্ষ ৰোপণ কৰি তাৰ বাণিজ্যিক দিশটোৰো ব্যৱস্থা কৰা হ’ব।
এই সভাৰ লক্ষ্যৰ সন্দৰ্ভত নতুন দিল্লীস্থৰ আইচিএআৰৰ এডিজি (এইচ্ছ) টি জানকীৰামে কৈছে যে তৃণমূল পৰ্যায়ত ইয়াৰ প্ৰভাৱ সন্দৰ্ভত চৰ্চা কৰা হৈছে।
এআইচিআৰপিৰ এমএপিএছৰ প্ৰকল্প সমন্বয়ক পি মাভেলেকৈছে যে ভাৰত চৰকাৰৰ কঠোৰ নীতিৰ ফলত চাহিদা আৰু যোগানৰ তথ্য উপলব্ধ হৈছে, ২০১৮ৰ মাৰ্চৰ পৰা ঠিকাভিত্তিক কৃষি আইনসিদ্ধ হৈছে আৰু কাৰকসমূহ বিশ্লেষণ কৰা হৈছে।
যোৰহাট কৃষি ববিশ্ববিদ্যালয়ৰ এআইচিআৰপি, এমএপিএছ, পাণৰ মুখ্য অনুসন্ধানক বিজিত কুমাৰ সাউদে সভাত শলাগৰ শৰাই আগবঢ়ায়।
এই সভাত ২৩টা এআইচিআৰপি কেন্দ্ৰৰ অংশগ্ৰহণকাৰী উপস্থিত আছিল আৰু বিভিন্ন কেন্দ্ৰৰ মুঠ ২৫টা কংতকাৰ্যতাৰ কাহিনী প্ৰকাশ কৰা হৈছিল।
