ভাৰতৰ আগশাৰীৰ বেচৰকাৰী তেল আৰু প্ৰাকৃতিক গেছ উৎপাদনকাৰী প্ৰতিষ্ঠান Vedanta Oil and Gas Limited (BSE: 544782 | NSE: VOGL)-এ উত্তৰ-পূৰ্বাঞ্চলত থকা ইয়াৰ তেল আৰু গেছ সম্পদৰ অন্বেষণ, বিকাশ আৰু উৎপাদনৰ গতি ত্বৰান্বিত কৰাৰ লক্ষ্যৰে বিশ্বব্যাপী ভূ-অভ্যন্তৰীণ (Sub-surface) আৰু ৰিজাৰ্ভয়াৰ-সম্পৰ্কীয় সমন্বিত সেৱা প্ৰদানকাৰী Beicip-Franlab India Private Limited-ৰ সৈতে অংশীদাৰিত্ব কৰিছে।
উক্ত অংশীদাৰিত্বৰ অধীনত ৰূপায়ণ হ’বলগীয়া সমন্বিত ভূকম্পনীয় (Seismic) আৰু ভূ-অভ্যন্তৰীণ কাৰ্যসূচীয়ে নটা OALP ব্লক আৰু এটা DSF ব্লক সামৰি ল’ব। ইয়াৰ জৰিয়তে অন্বেষণ, সম্পদৰ মূল্যায়ন আৰু ক্ষেত্ৰ উন্নয়ন পৰিকল্পনাক একেটা সমন্বিত কাৰিকৰী কাঠামোৰ অধীনলৈ অনা হ’ব। এই সহযোগিতাৰ মূল লক্ষ্য হৈছে নতুন খনন-সম্ভাৱনা চিনাক্ত কৰি সেইসমূহৰ বিকাশ ত্বৰান্বিত কৰা আৰু ইতিমধ্যে আৱিষ্কৃত তথা উৎপাদনশীল সম্পদসমূহৰ পৰা অধিক মূল্য আহৰণ কৰা।
এই কাৰ্যসূচীৰ অংশ হিচাপে Beicip-Franlab-এ অগ্ৰাধিকাৰপ্ৰাপ্ত সম্পদসমূহৰ ক্ষেত্ৰত ভূকম্পনীয় তথ্যৰ ব্যাখ্যা, ভূতাত্ত্বিক আৰু ৰিজাৰ্ভয়াৰ অধ্যয়ন, সম্ভাৱনাময় ক্ষেত্ৰসমূহৰ অগ্ৰাধিকাৰ নিৰ্ধাৰণ, সম্পদৰ মূল্যায়ন আৰু ক্ষেত্ৰ উন্নয়ন পৰিকল্পনাৰ কাম সম্পন্ন কৰিব। উত্তৰ-পূৰ্বাঞ্চলৰ Hazarigaon আৰু Rudra-ৰ দৰে নতুন আৰু ইতিমধ্যে থকা ক্ষেত্ৰসমূহো এই কাৰ্যসূচীৰ অন্তৰ্ভুক্ত।
উক্ত অংশীদাৰিত্ব সন্দৰ্ভত Vedanta Oil and Gas Limited-ৰ অন্তৱৰ্তীকালীন মুখ্য কাৰ্যবাহী বিষয়া তথা Whole Time Director Jim Johnny Gast-এ উল্লেখ কৰে যে, “উত্তৰ-পূৰ্বাঞ্চলত যথেষ্ট পৰিমাণৰ অনাৱিষ্কৃত হাইড্ৰ’কাৰ্বন সম্ভাৱনা আছে আৰু আমাৰ বিকাশ কৌশলত এই অঞ্চল এক গুৰুত্বপূৰ্ণ স্তম্ভ। Beicip-Franlabৰ সহযোগিতাৰ জৰিয়তে আমি উন্নত ভূ-অভ্যন্তৰীণ বিশেষজ্ঞতা আৰু সমন্বিত কাৰিকৰী সক্ষমতাক একত্ৰিত কৰি সম্ভাৱনাময় ক্ষেত্ৰসমূহৰ বিকাশৰ গতি ত্বৰান্বিত কৰাৰ লগতে আমাৰ অন্বেষণ পৰ্টফলিঅ’ অধিক শক্তিশালী আৰু ইতিমধ্যে থকা সম্পদসমূহৰ পৰা অধিক মূল্য আহৰণ কৰিব বিচাৰিছোঁ। উক্ত কাৰ্যসূচীয়ে খননৰ বাবে প্ৰস্তুত কৰিব পৰা সম্ভাৱনাময় সুযোগৰ এক শক্তিশালী ধাৰা গঢ়ি তোলাত সহায় কৰিব। একে সময়তে দেশীয় শক্তি উৎপাদন বৃদ্ধি আৰু ভাৰতৰ শক্তি-নিৰাপত্তাত অৱদান আগবঢ়োৱাৰ প্ৰতি আমাৰ প্ৰতিশ্ৰুতিও ইয়াৰ জৰিয়তে অধিক শক্তিশালী হ’ব।”
উল্লেখ্য যে, চিনাক্ত কৰা সম্ভাৱনাসমূহ পৰৱৰ্তী পৰ্যায়ত Vedanta Oil & Gas-ৰ কাৰিকৰী নিশ্চয়তা (Technical Assurance) আৰু অন্বেষণৰ পৰা উন্নয়নলৈ ৰূপান্তৰৰ নিৰ্ধাৰিত প্ৰক্ৰিয়াৰ মাজেৰে আগবাঢ়িব।
উক্ত প্ৰকল্পটোৰ সন্দৰ্ভত Beicip-Franlab India-ৰ পৰিচালন সঞ্চালক Amit Singh-এ কয় যে, “উত্তৰ-পূৰ্বাঞ্চলত Vedanta Oil & Gasৰ এক অত্যন্ত সম্ভাৱনাময় সম্পদ-পৰ্টফলিঅ’ আছে। ভূ-অভ্যন্তৰত নিহিত সম্ভাৱনাক বাস্তৱ আৰু কাৰ্যকৰী উন্নয়নমূলক সুযোগলৈ ৰূপান্তৰিত কৰি ইয়াৰ সম্পূৰ্ণ মূল্য উন্মোচন কৰাই আমাৰ মূল লক্ষ্য। সমন্বিত ভূ-অভ্যন্তৰীণ মূল্যায়ন, সম্পদৰ বৈশিষ্ট্য নিৰ্ধাৰণ আৰু ক্ষেত্ৰ উন্নয়ন পৰিকল্পনাৰ জৰিয়তে আমি খননৰ বাবে প্ৰস্তুত কৰিব পৰা সম্ভাৱনাৰ এক শক্তিশালী ধাৰা গঢ়ি তুলিবলৈ চেষ্টা কৰিম। ইয়াৰ লগতে সমগ্ৰ পৰ্টফলিঅ’ত সম্পদৰ অধিক স্পষ্ট চিত্ৰ লাভ কৰা আৰু বহনক্ষম উৎপাদন বৃদ্ধিত সহায়ক উচ্চ-প্ৰভাৱশালী সুযোগসমূহ চিনাক্ত কৰাত গুৰুত্ব দিয়া হ’ব। অন্বেষণৰ পৰা উন্নয়নলৈ যাত্ৰা অধিক দক্ষ আৰু মূল্য-নিৰ্ভৰ কৰি তুলিবলৈ প্ৰয়োজনীয় কাৰিকৰী অন্তৰ্দৃষ্টি, কৌশলগত দিশনিৰ্দেশনা আৰু সিদ্ধান্ত গ্ৰহণৰ বাবে উপযোগী সমাধান আগবঢ়োৱাই আমাৰ উদ্দেশ্য।”
এই কাৰ্যসূচীৰ জৰিয়তে অতিৰিক্ত ৩০০ MMboe পৰ্যন্ত সম্পদ আৰু মজুত উন্মোচনৰ সম্ভাৱনা আছে। ইয়াৰ লগতে ইতিমধ্যে উৎপাদন চলি থকা ক্ষেত্ৰসমূহত উৎপাদন বৃদ্ধিৰ নতুন সম্ভাৱনাও উন্মোচিত হ’ব পাৰে। সমন্বিত ভূ-অভ্যন্তৰীণ মূল্যায়ন আৰু উন্নয়ন পৰিকল্পনাৰ জৰিয়তে এই অংশীদাৰিত্বই সম্পদৰ অধিক স্পষ্ট চিত্ৰ দাঙি ধৰা, মূল্যায়ন আৰু ক্ষেত্ৰ উন্নয়ন সম্পৰ্কীয় সিদ্ধান্ত অধিক ক্ষিপ্ৰ কৰা আৰু অন্বেষণৰ পৰা উৎপাদনলৈ এক সুস্পষ্ট পথৰেখা প্ৰস্তুত কৰাৰ লক্ষ্য লৈছে।
উত্তৰ-পূৰ্বাঞ্চল Vedanta Oil & Gas-ৰ বিকাশ কৌশলৰ এক গুৰুত্বপূৰ্ণ অংশ। অঞ্চলটোৰ ভূগৰ্ভত নিহিত হাইড্ৰ’কাৰ্বনৰ সম্ভাৱনাক অধিক গভীৰভাৱে অন্বেষণ কৰি তাৰ পূৰ্ণ সদ্ব্যৱহাৰ কৰাৰ লক্ষ্যৰে কোম্পানীটোৱে সুচাৰুৰূপে অন্বেষণ কাৰ্যকলাপ অধিক শক্তিশালী কৰি তুলিছে।
দেশীয় তেল আৰু প্ৰাকৃতিক গেছৰ উৎপাদন বৃদ্ধি কৰাৰ লগতে ভাৰতৰ শক্তি-নিৰাপত্তা সুদৃঢ় কৰাত অৰিহণা যোগোৱাৰ প্ৰতি Vedanta Oil & Gas সদায় প্ৰতিশ্ৰুতিবদ্ধ বুলি কৈ আহিছে। দেশৰ নিজস্ব হাইড্ৰ’কাৰ্বন সম্পদৰ আৱিষ্কাৰ, উন্নয়ন আৰু বাণিজ্যিকীকৰণৰ গতি ত্বৰান্বিত কৰি দেশীয় শক্তিৰ চাহিদা পূৰণত অধিক অৰিহণা যোগোৱাই কোম্পানীটোৰ অন্যতম প্ৰধান লক্ষ্য বুলিও তেওঁলোকে দোহাৰি আহিছে।
