বিশ্ব অভিলেখৰ অধিকাৰী বিৰাট কোহলিৰ মতে ‘মহানায়ক’ কোন?

বৰ্তমান ক্ৰিকেট জগতৰ সবাটোকৈ শ্ৰেষ্ঠ, বিস্ফোৰক তথা ধাৰাবাহিকতা ৰক্ষা কৰি অহা বেটছমেনৰ তালিকাত নিঃসন্দেহে শীৰ্ষত থকা বিৰাট কোহলিয়ে ৱেষ্ট ইণ্ডিজৰ মহান বেটছমেন ভিভিয়ন ৰিচাৰ্ডছক সাক্ষাৎ কৰা এক ফটো টুইটাৰৰ জৰিয়তে চেয়াৰ কৰিছে।

ভাৰতীয় ক্ৰিকেট দলৰ অধিনায়ক কোহলিয়ে এসময়ৰ বিস্ফোৰক বেটছমেন গৰাকীৰ ফটোৰ সৈতে দিয়া কেপশ্যনৰ বাবেহে বিষয়টোৱে ছ’চিয়েল মিডিয়াত চৰ্চিত হোৱা পৰিলক্ষিত হৈছে।

কোহলিয়ে নিজৰ টুইটাৰৰ জৰিয়তে ফটোখন চেয়াৰ কৰি লিখিছিল, ‘সকলোতকৈ ডাঙৰ বচৰ সৈতে!’।

With the biggest BOSS! ?@ivivianrichards pic.twitter.com/dy6EhFJvBQ

— Virat Kohli (@imVkohli) August 5, 2019

উল্লেখ্য যে ৰিচাৰ্ডছ ভাৰতীয় দলৰ অধিনায়ক কোহলিৰ সমৰ্থক তথা প্ৰশংসক। বিভিন্ন সময়ত ৰিচাৰ্ডছে কোহলিৰ বেটিঙৰ প্ৰশংসা কৰিছে। তেওঁ লগতে বিৰাটৰ তাত নিজৰ প্ৰতিচ্ছবি দেখে বুলিও মন্তব্য কৰিছিল।

বিৰাট কোহলিৰ নেতৃত্বত ভাৰতীয় দলে ৱেষ্ট ইণ্ডিজৰ বিৰুদ্ধে খেলা টি-২০ ছিৰিজৰ প্ৰথম দুয়োখন মেচতে জয়ী হৈ দখল কৰিছে শৃংখলা।

ভাৰতে প্ৰথমখন মেচ ৪ উইকেটত আৰু দ্বিতীয়খন মেচ ডাকৱৰ্থ লুইছ নিয়মৰ অধীনত ২২ ৰানত জয়ী হয়।

আজি টী-২০ শৃংখলাৰ তৃতীয়খন তথা অন্তিমখন মেচ গায়ানাত অনুষ্ঠিত হ’ব।

ভাৰতীয় দলে ৱেষ্ট ইণ্ডিজৰ বিপক্ষে তিনিখন টী-২০ৰ উপৰি তিনিখন এদিনীয়া আৰু দুখন টেষ্ট মেচত অংশ ল’ব।