বলিউডৰ ড্ৰাগছ কাণ্ডই এতিয়া সমগ্ৰ দেশতে জোকাৰণিৰ সৃষ্টি কৰিছে।
বিশেষকৈ অভিনেতা সুশান্ত সিং ৰাজপুতৰ ৰহস্যজনক আত্মহত্যাৰ তদন্ত কৰিবলৈ গৈ আৰক্ষী আৰু নাৰক’টিকছ বিভাগে বলিউডৰ বহু অভিনেতা- অভিনেত্ৰীয়ে ড্ৰাগছ সেৱন কৰাৰ তথ্যও লাভ কৰিছে।
কেটৰিনা কাঈফৰ লগতে বহু অভিনেতা-অভিনেত্ৰীক সেয়ে আৰক্ষীয়ে জেৰাও কৰিছে। ড্ৰাগছ কাণ্ডৰ সৈতে এইবাৰ জৰিত হৈ পৰিছে অভিনেতা বিবেক অবেৰয়ৰ নাম।
দেশৰ ছবি ঘৰ সমূহত দ্বিতীয় বাৰৰ বাবে মুক্তি দিয়া প্ৰধানমন্ত্ৰী নৰেন্দ্ৰ মোডীৰ বায়’পিকত মোডীৰ চৰিত্ৰত অভিনয় কৰা বিবেক অবেৰয়ৰ ঘৰত শেহতীয়াকৈ ড্ৰাগছ সৰবৰাহকাৰীৰ সন্ধানত আৰক্ষীয়ে অভিযান চলাইছে।
অভিযোগ অনুসৰি অভিনেতা বিবেক অবেৰয়ে তেওঁৰ ঘৰত ড্ৰাগছ সৰবৰাহকাৰীক লুকুৱাই ৰাখিছে।
দৰাচলতে কৰ্ণাটকৰ প্ৰাক্তন মন্ত্ৰী জীৱৰাজ আলভাৰ পুত্ৰ আদিত্য আলভাই দীৰ্ঘ দিন ধৰি বহু অভিনেতা-অভিনেত্ৰীক ড্ৰাগছৰ যোগান ধৰি অহা বুলি আৰক্ষীয়ে তথ্য লাভ কৰিছিল।
আদিত্য আলভা আকৌ বিবেক অবেৰয়ৰ নিকট আত্মীয়।
সেইবাবেই আদিত্যই বিবেক অবেৰয়ৰ ঘৰত লুকাই থকাৰ সন্দেহতে মুম্বাই আৰক্ষীয়ে অভিনেতা বিবেক অবেৰয়ৰ মুম্বাইত থকা বাসভৱনত তালাচী চলোৱা বুলি জানিব পৰা গৈছে।
অভিনেতা বিবেক অবেৰয় ড্ৰাগছ কাণ্ডৰ সৈতে পোমপটীয়াকৈ জৰিত আছে নে নাই সেয়া আৰক্ষীয়ে এতিয়ালৈকে প্ৰকাশ কৰা নাই।
