আত্মনিৰ্ভৰ ভাৰতৰ লক্ষ্যত আৰু এখোজ আগবাঢ়ি এইবাৰ দেশীয় এক সংস্থাই লৈ আনিছে এটা মোবাইল এপ্লিকেশ্যন। ছচিয়েল মিডিয়াত বৰ্তমান ব্যাপক ভাইৰেল হৈ পৰা Koo Appক ভাৰতত মাক্ৰ’ব্লগিং ছাইট টুইটাৰৰ বিকল্প বুলি কোৱা হৈছে।
প্ৰায় ১০ মাহ পূৰ্বে বেংগালুৰুৰ Aprameya Radhakrishnaই এই Koo App ডেভেলপ কৰিছিল।
টুইটাৰৰ এই স্বদেশী বিকল্পটোৱে ইতিমধ্যে Digital India AatmaNirbhar Bharat Innovate Challenge ত বিজয়ী হৈছে।
কেইদিনমান পূৰ্বে কেন্দ্ৰীয় ৰে’লমন্ত্ৰী পীয়ুষ গোয়েলে টুইট কৰি জানিবলৈ দিয়ে যে তেওঁ স্বদেশী মাইক্ৰ’ব্লগিং প্লেটফৰ্ম Koo Appত জইন কৰিছে। ইয়াৰ পাছতে বিভিন্নজনে এপটোক লৈ জানিবলৈ আগ্ৰহী হৈ পৰে।
ইয়াৰ মাজতে টুইটাৰ আৰু ভাৰত চৰকাৰৰ মাজত চলি থকা বিবাদৰ কাৰণে এটা বিকল্প স্বদেশী এপৰ প্ৰয়োজনীয়তা অনুভৱ কৰা হৈছিল।
ইতিমধ্যে, Android আৰু iOS দুয়োটাতে উপলব্ধ হৈছে Koo App। আনকি বহুতেই এই স্বদেশী টুইটাৰ নিজৰ নিজৰ মবাইলত ইনষ্টলো কৰিছে।
Koo Appৰ এটা অফিচিয়েল ৱেবছাইট আছে য’ত এই এপটো সম্পৰ্কে সকলো তথ্য আগবঢ়োৱা হৈছে। ইয়াত কোৱা হৈছে যে এই শক্তিশালী এপটোৱে বিভিন্ন ভাষাত বিভিন্ন সম্প্ৰদায়ৰ সৈতে চিন্তাচৰ্চা শ্বেয়াৰ কৰাৰ ক্ষমতা দেশবাসীক দিছে।
I am now on Koo.
Connect with me on this Indian micro-blogging platform for real-time, exciting and exclusive updates.
Let us exchange our thoughts and ideas on Koo.
📱 Join me: https://t.co/zIL6YI0epM pic.twitter.com/REGioTdMfm
— Piyush Goyal (@PiyushGoyal) February 9, 2021
পীয়ুষ গোয়েলৰ উপৰিও দেশৰ কেইবাগৰাকীও মন্ত্ৰীয়ে Koo Appত নিজৰ একাউন্ট খোলাৰ আগ্ৰহ প্ৰকাশ কৰিছে। ইয়াৰ ভিতৰত কেন্দ্ৰীয় মন্ত্ৰী ৰবিশংকৰ প্ৰসাদ আৰু কৰ্মাটকৰ মুখ্যমন্ত্ৰী য়াদুৰাপ্পাও আছে।
বাতৰি অনুসৰি ইতিমধ্যে Koo Appটোৱে ব্যাপক সমাদৰ লাভ কৰিছে আৰু এক নিশাৰ ভিতৰতে ১০ লাখ ডাউনলোডৰ ৰেকৰ্ডো গঢ়িছে।
