বুধবাৰে পঞ্জাৱৰ ফতেহগড় চাহিব জিলাৰ বছি পাঠানত আৰক্ষীৰে হোৱা মুখামুখি সংঘৰ্ষত তিনিজন গেংষ্টাৰক নিহত হয়।
নিহত দুজন গেংষ্টাৰৰ নাম তেজা মেহন্দীপুৰীয়া আৰু মনপ্ৰীত পীতা। আনহাতে, তৃতীয়জন গেংষ্টাৰৰ এতিয়াও চিনাক্তকৰণ হোৱা নাই যদিও আৰক্ষীয়ে তেওঁক নিশান্ত বুলি সন্দেহ কৰিছে।
পঞ্জাৱৰ ৪০ টাতকৈও অধিক অপৰাধমূলক গোচৰৰ সৈতে জড়িত আছিল তেজা। এজিটিএফৰ মুৰব্বী প্ৰমোদ বান আৰু ডিএছপি বিক্ৰমজিৎ ব্ৰাৰ নেতৃত্বত যোৱা এটা অভিযানকাৰী দলে এনকাউণ্টাৰত তিনি গেংষ্টাৰক গুলীয়াই হত্যা কৰে।
প্ৰমোদ বানে কয়, “আমি গেংষ্টাৰসকলক অনুসৰণ কৰি আছিলো। তেওঁলোক অস্ত্ৰ-শস্ত্ৰ ডেলিভাৰীৰ সৈতে জড়িত আছিল। ফিল’ৰ হত্যাকাণ্ডটো জড়িত আছিল তেওঁলোক।”
যোৱা ৮ জানুৱাৰীত সংঘটিত হোৱা কনিষ্টবল কুলদীপ সিং বাজৱাৰ হত্যাকাণ্ডৰ সৈতে জড়িত আছিল এইকেইজন গেংষ্টাৰ।
ইফালে এই এনকাউণ্টাৰত আহত হৈছে আৰক্ষী উপ পৰিদৰ্শক গুৰপ্ৰীত সিং আৰু কনিষ্টবল সুখৰাজ। তেওঁলোকক ততাতৈয়াকৈ চিকিৎসালয়লৈ প্ৰেৰণ কৰা হয়।
তেজা মেহাণ্ডিপুৰিয়া গেংষ্টাৰজন হত্যা, ডকাইতি, হত্যাৰ চেষ্টাকে ধৰি ৪০ টা অপৰাধমূলক কাণ্ডত জড়িত আছিল। বাথিণ্ডা কাৰাগাৰৰ পৰা যোৱা ১৬ নৱেম্বৰত তেওঁৰ জামিনত মুকলি কৰি দিয়া হৈছিল।
গেংষ্টাৰ তেজাই জামিন লাভ কৰিয়ে তেওঁ নিজৰ গেঙৰ সদস্যসকলৰ সৈতে পুনৰ মিলিত হৈ ধৰ্মীয়, ৰাজনৈতিক নেতা আৰু প্ৰতিদ্বন্দ্বী গেঙৰ সদস্যসকলক আক্ৰমৰ লক্ষ্য কৰি লোৱাৰ পৰিকল্পনা কৰা বুলি অভিযোগ উঠিছে।
