বয়সক বাধা দিব নোৱাৰি। অৱশ্যে কম বয়সতে বয়সৰ চাপ পৰাটো একেবাৰে ভাল নহয়।
বহুতে জানে যে আঙুৰৰ ৰস ছালৰ বাবে উপকাৰী কাৰণ ইয়াত প্ৰচুৰ পৰিমাণে এন্টিঅক্সিডেন্ট থাকে। আঙুৰৰ পৰা ৰঙা মদ বা ৰেড ৱাইন তৈয়াৰ কৰা হয়।
বহুতে নিয়মিতভাৱে ৰেড ৱাইন সেৱন কৰে যাতে ছালখন কোমল হয় আৰু বয়সৰ প্ৰভাৱ নপৰে।
হাৰ্ভাৰ্ডৰ পৰা আৰম্ভ কৰি জন হপকিন্সলৈকে বিভিন্ন বিশ্ববিদ্যালয়ে এই বিষয়ে গৱেষণা কৰিছে। হাৰ্ভাৰ্ড মেডিকেল স্কুলৰ গৱেষকৰ এটা দলে ৰেড ৱাইন আৰু সুস্বাস্থ্যৰ মাজৰ সম্পৰ্কৰ বিষয়ে এক নতুন তথ্য দাঙি ধৰিছে।
ৰেড ৱাইনত ‘ৰেচভেৰাট্ৰল’ নামৰ পদাৰ্থ থাকে। ই পলিফিনল পৰিয়ালৰ অন্তৰ্গত এক প্ৰকাৰৰ এন্টি অক্সিডেন্ট। যিয়ে কেৱল ছালখন ভালে ৰখাই নহয়, কেন্সাৰ আৰু কলেষ্টেৰল সম্পৰ্কীয় ৰোগবোৰো নিৰাময় কৰাত সহায় কৰে।
এই উপাদানটোৱে ডায়েবেটিছ নিয়ন্ত্ৰণতো ভূমিকা পালন কৰে। কেইবাটাও গৱেষণাৰ পৰা দেখা গৈছে যে এই ‘ৰেচভেৰাট্ৰল’ ওজন কমাবলৈও অতি ফলপ্ৰসূ।
অৱশ্যে ৰেড ৱাইন উপকাৰী হোৱাৰ বাবে অত্য়ধিক খালে নহ’ব। ডাক্তৰৰ পৰামৰ্শ মতে সপ্তাহত দুদিনৰ পৰা তিনিদিন ৰেড ৱাইন সেৱন কৰিব পাৰে।
এই ধৰণৰ ৱাইন অকাল বাৰ্ধক্য ৰোধ কৰাত অতি উপকাৰী। ৰ’দৰ সংস্পৰ্শলৈ আহিলে ছালত যি ধৰণৰ ছানবাৰ্ণ হয়, ইয়াক ৰেড ৱাইনৰ সৈতে ছানস্ক্ৰীণ প্ৰয়োগ কৰিও ঠিক কৰিব পাৰি।
শৰীৰৰ নিজস্ব প্ৰটিন হ’ল কলাজেন। বয়সৰ লগে লগে ইয়াৰ উৎপাদন কমি যায়। ফলত ছাল আৰু চুলিৰ বিকাশ কমি আহিবলৈ ধৰে। বিশেষকৈ কলাজেন উৎপাদনত ৰেড ৱাইনে সহায় কৰে।
