মহামাৰী কোভিডে সমগ্ৰ বিশ্বতে সন্ত্ৰাস চলোৱাৰ পিছতে কোভিড ভেকচিনৰ বাবে অধীৰে অপেক্ষা কৰি আছিল বিশ্ববাসী।
অৱশেষত চলিত বৰ্ষৰ দ্বিতীয়টো মাহৰ পৰা বিশ্বৰ কিছুমান দেশত বিশ্ব স্বাস্থ্য সংস্থা(WHO)ৰ অনুমোদনক্ৰমে কোভিড প্ৰতিষেধক ব্যৱহাৰ আৰম্ভ কৰা হয়। কোভিড ভেকচিনসমূহৰ ভিতৰত আটাইতকৈ বিশ্বস্ত আৰু বিশ্বাসযোগ্য ভেকচিন হিচাপে আষ্ট্ৰাজেনেকাৰৰ অক্সফোৰ্ডৰ ভেকচিনটো বিবেচিত হৈছিল।
পিছে এতিয়া বিশ্ব বহু ৰাষ্ট্ৰই এতিয়া আষ্ট্ৰাজেনেকাৰৰ ভেকচিনটো ব্যৱহাৰ বন্ধ কৰা বুলি জানিব পৰা গৈছে।
ৰাষ্ট্ৰসমূহে দাবী কৰিছে যে ভেকচিনটোৰ ক্ষতিকৰ দিশসমূহ ভবাতকৈ অধিক বেছি আৰু সেয়ে সামৰিকভাৱে ভেকচিনটো ব্যৱহাৰ বন্ধ কৰা হৈছে।
ইফালে বিশ্ব স্থাস্থ্য সংস্থাই উক্ত দেশসমূহৰ দাবী অস্বীকাৰ কৰি ই পাৰ্শ্বপ্ৰতিক্ৰিয়ামুক্ত আৰু ব্যৱহাৰযোগ্য বুলি কৈ আষ্ট্ৰাজেনেকাৰ ভেকচিনটো ব্যৱহাৰৰ বাবে পৰামৰ্শ দিছে।
ইয়াৰ পিছতে WHOএ উক্ত দেশনসমূহত আষ্ট্ৰাজেনেকাৰৰ ভেকচিনটো ব্যৱহাৰৰ সন্দৰ্ভত মংগলবাৰে এক বিশেষ বৈঠকো আহ্বান কৰে।
ইতিমধ্যে জাৰ্মানি, ইটালি, ফ্ৰান্স, স্পেইন, ডেনমাৰ্ক, ন’ৰৱে নেডাৰলেণ্ড আদি দেশে আষ্ট্ৰাজেনেকাৰৰ ভেকচিন ব্যৱহাৰ বন্ধ কৰাৰ পিছতে আৰু কিছু দেশে এই তালিকাত নিজৰ নাম সন্নিৱিষ্ট কৰিছে।
ইউৰোপ মহাদেশৰ ঔষধ নিয়ন্ত্ৰক সংস্থা ইউৰোপিয়ান মেডিচিনছ এজেঞ্চি(EMA)এ এই সংক্ৰান্তত অহা বৃহস্পতিবাৰে এক বৈঠক আহ্বান কৰিছে। য’ত ভেকচিনটোৰ ক্ষতিকৰ দিশসমূহ বিষয়ে পৰ্যালোচনা কৰাৰ লগতে WHOএ কৰা দাবীৰ ওপৰতো পুংখানুপুংখকৈ আলোচনা কৰা হ’ব।
আষ্ট্ৰাজেনেকাৰ ভেকচনিটো ব্যৱহাৰ সামৰিকভাৱে বাতিল কৰা দেশসমূহ হৈছে ক্ৰমে ছুইডেন, লাটাভিয়া, ফ্ৰান্স, জাৰ্মানি, স্পেইন, ইটালি, লুক্সেববাৰ্গ, চাইপ্ৰাছ, পৰ্টুগাল, শ্ল’ভেনিয়া, ইন্দোনেছিয়া, নেডাৰলেণ্ডছ, আয়াৰলেণ্ড, বুলগেৰিয়া, দ্য ডেম’ক্ৰেটিক ৰিপাব্লিক অৱ দ্য কংগু, থাইলেণ্ড, ৰোমানিয়া, আইচলেণ্ড, ডেনমাৰ্ক, আষ্ট্ৰিয়া আদি দেশ।
