হোৱাইট হাউছত মোডীক গণতন্ত্ৰৰ সম্পৰ্কে প্ৰশ্ন সোধাৰ বাবেই সাংবাদিকক হাৰাশাস্তি বিজেপি ভক্তৰ

যোৱা কিছুদিন পূৰ্বে আমেৰিকাত ৰাষ্ট্ৰপতি জো বাইডেনৰ সৈতে হোৱা যুটীয়া সংবাদমেলত প্ৰধানমন্ত্ৰী নৰেন্দ্ৰ মোডীক ভাৰতৰ গণতন্ত্ৰ সন্দৰ্ভত প্ৰশ্ন কৰা ৱাল ষ্ট্ৰীট জাৰ্নেলৰ সাংবাদিক ছাব্ৰিনা ছিদ্দিকীক অনলাইনযোগে ভাবুকি প্ৰদান কৰিছে ভাৰতৰ বহু বিজেপিৰ সমৰ্থকে।

এইদৰে সাংবাদিকক হাৰাশাস্তি কৰাৰ ঘটনাক গৰিহণা দিছে হোৱাইট হাউছ কৰ্তৃপক্ষই। 

ৱাল ষ্ট্ৰীট জাৰ্নেলে কয় যে সাংবাদিক গৰাকীয়ে এই প্ৰশ্ন কৰাৰ পিছৰে পৰা তেওঁক সামাজিক মাধ্যমৰ যোগেদি বহু বিজেপিৰ সমৰ্থকে ভাবুকি প্ৰদান কৰিছে।

কাকতখনে জনোৱা মতে, সাংবাদিক গৰাকী মুছলমান বাবে তেওঁক এইদৰে হাৰাশাস্তি কৰা হৈছে। লগতে সাংবাদিক গৰাকীৰ সম্পৰ্কে সাম্প্ৰদায়িক মন্তব্যও প্ৰদান কৰিছে বিজেপিৰ ভক্তসকলে। 

“এয়া গ্ৰহণযোগ্য নহয়। আৰু আমি যিকোনো পৰিস্থিতিত যিকোনো ঠাইতে সাংবাদিকক যিকোনো হাৰাশাস্তি কৰাটো একেবাৰেই গৰিহণা দিও।” – হোৱাইট হাউছৰ ৰাষ্ট্ৰীয় নিৰাপত্তা পৰিষদৰ বিষয়া কিৰ্বিয়ে কয়।

উল্লেখ্য যে, বৃহস্পতিবাৰে আমেৰিকাৰ ৰাষ্ট্ৰপতি বাইডেনৰ সৈতে দ্বিপাক্ষিক আলোচনাৰ পিছত সংবাদমেলত ছিদ্দিকীৰ প্ৰশ্নৰ উত্তৰত প্ৰধানমন্ত্ৰী মোদীয়ে কয় যে তেওঁৰ চৰকাৰে সংবিধান মানি চলাৰ বাবে ভাৰতত কোনো বৈষম্যৰ উদয় হোৱা নাই।

Since some have chosen to make a point of my personal background, it feels only right to provide a fuller picture. Sometimes identities are more complex than they seem. pic.twitter.com/Huxbmm57q8

— Sabrina Siddiqui (@SabrinaSiddiqui) June 24, 2023

“আপুনি আৰু আপোনাৰ চৰকাৰে আপোনাৰ দেশৰ মুছলমান আৰু অন্যান্য সংখ্যালঘুৰ অধিকাৰ উন্নত কৰাৰ লগতে বাক স্বাধীনতা ৰক্ষাৰ বাবে কি পদক্ষেপ ল’বলৈ ইচ্ছুক?” এই দৰে সুধিছিল ছাব্ৰিনা ছিদ্দিকী নামৰ সাংবাদিকগৰাকীয়ে।

উত্তৰত নৰেন্দ্ৰ মোডীয়ে কয়, “আপুনি যি সুধিছে তাত মই আচৰিত হৈছো। আমি এখন গণতন্ত্ৰ ৰাষ্ট্ৰত বাস কৰোঁ। গণতন্ত্ৰ আমাৰ আত্মাত আছে, আৰু আমাৰ শিৰাত গণতন্ত্ৰ বৈ থাকে। সেয়া আমাৰ সংবিধানত আছে।”

সাংবাদিক গৰাকীৰ এই প্ৰশ্নই ভাৰতত তীব্ৰ প্ৰতিক্ৰিয়াৰ সৃষ্টি কৰিছিল।

লক্ষনীয় কথাটো হ’ল যে প্ৰধানমন্ত্ৰী মোদীয়ে মুছলমান আৰু অন্যান্য সংখ্যালঘুৰ অধিকাৰ ‘সুৰক্ষা’ৰ বাবে গ্ৰহণ কৰা পদক্ষেপসমূহৰ সম্পৰ্কে সোধা প্ৰশ্নটোৰ উত্তৰ দিয়াৰ পৰা আঁতৰি থাকিল। তাৰ পৰিৱৰ্তে সাংবাদিকগৰাকীৰ প্ৰশ্নটোকহে সমালোচনা কৰিলে নৰেন্দ্ৰ মোডীয়ে।

Prime Minister Modi completely destroyed the motivated question on steps being taken to ‘protect’ rights of Muslims and other minorities. In his response he didn’t mention Muslims or any other denomination, spoke about Constitution, access to Govt resources based on eligibility… pic.twitter.com/mPdXPMZaoI

— Amit Malviya (@amitmalviya) June 22, 2023