চলমান খানক হত্যা কৰিবলৈ পৰিকল্পনা কৰা ৰাহুল ওৰফে বাবা ওৰফে ছাংগা নামৰ এক গেংষ্টাৰ গ্ৰেপ্তাৰ হৈছে আৰক্ষীৰ হাতত।
উত্তৰাখণ্ডত যোৱা ১৫ আগষ্টত গ্ৰেপ্তাৰ কৰাৰ ৰাহুলক তদন্তৰ বাবে ফৰিদাবাদলৈ অনাৰ পিছতে চলমান খানক হত্যা কৰাৰ পৰিল্পনাৰ বিষয়ে বহু ভয়ংকৰ তথ্য বাহিৰ হৈছে।
আৰক্ষীৰ জেৰাত চলমান খানক হত্যা কৰিবলৈ কোনে আৰু কিয় তেওঁক দায়িত্ব দিছিল আৰু তাৰ বাবে কি কি পৰিকল্পনা কৰিছিল সেই বিষয়ে বহু ভয়ংকৰ তথ্য ব্যক্ত কৰিছে ৰাহুলে।
উল্লেখ্য যে, হাৰিয়ানাৰ ভিৱানী জিলাৰ ৰাহুলক ফৰিদাবাদৰ নিৱাসী প্ৰবীণ নামৰ এজন লোকক হত্যাৰ অভিযোগত যোৱা জুন মাহৰ পৰাই ফৰিদাবাদ আৰক্ষীয়ে গ্ৰেপ্তাৰ কৰিবলৈ বিচাৰি ফুৰিছিল।
আনহাতে ৰাহুলৰ বিৰুদ্ধে আৰক্ষী থানাত বহুতো অপৰাধমুলক গোচৰো ৰুজু হৈ আছে।
এই ৰাহুলকে চলমান খানক হত্যাৰ বাবে দায়িত্ব দিছিল ৰাজস্থানৰ গেংষ্টাৰ লৰেঞ্চ বিষ্ণয়ে।
ইয়াৰ পিছতে ৰাহুলে চলমান খানক হত্যাৰ বাবে পৰিকল্পনা জুগুত কৰে। পৰিকল্পনা অনুসৰি চলিত বছৰৰ জানুৱাৰীত ৰাহুলে মুম্বাই উপস্থিত হৈ চলমান খানক দুদিন ধৰি অনুসৰণ কৰিছিল।
চলমান খানে কোন সময়ত ঘৰৰ পৰা বাহিৰলৈ যায়, কোন সময়ত ঘৰলৈ ওভতি আহে তাৰ নজৰ ৰাখিছিল ৰাহুলে। কিন্তু লৰেঞ্চৰ নিৰ্দেশত মুম্বাই এৰিছিল ৰাহুলে।
চলমান খানক হত্যাৰ পৰিকল্পনা সফল হোৱাৰ পূৰ্বেই প্ৰবীণ নামৰ লোকজনৰ হত্যাত অভিযুক্ত হৈ পলায়ন কৰিবলৈ বাধ্য হয় ৰাহুল।
ইতিমধ্যে প্ৰবীণৰ হত্যাৰ অভিযোগত ৰাহুলৰ লগতে অন্য চাৰিজনকো গ্ৰেপ্তাৰ কৰিছে আৰক্ষীয়ে।
ৰাহুলে আৰক্ষীৰ জেৰাত মুখ খুলি কৈছে যে লৰেঞ্চ বিষ্ণয়ে যোৱা বছৰো চলমান খানক হত্যা কৰিবলৈ অন্য এজন গেংষ্টাৰক দায়িত্ব দিছিল যদিও তেওঁ সফল হোৱা নাছিল।
এক সূত্ৰৰ মতে ৰাজস্থানৰ যোথপুৰৰ পৰা লৰেঞ্চ বিষ্ণয়ে গেঙৰ গতিবিধি নিয়ন্ত্ৰণ কৰি আহিছে।
উল্লেখ্য যে, এইজন লৰেঞ্চ বিষ্ণয়ে চলমান খানক একাধিকবাৰ হত্যাৰ ভাবুকিৰ লগতে চুপাৰিও দি আহিছে।
লৰেঞ্চ বিষ্ণয়ৰ লগত কোনো ব্যক্তিগত শত্ৰুতা নাথাকিলেও ৰাজস্থানত কৃষ্ণসাৰ হৰিণ হত্যাৰ কৰি বিষ্ণয় উপজাতিৰ ৰোষত পৰিছিল চলমান খানে।
আৰু তেতিয়াৰ পৰাই লৰেঞ্চ বিষ্ণয়ে চলমান খানক হত্যাৰ ভাবুকি দি আহিছে।
