জি-২০ সন্মিলনত অংশগ্ৰহণ কৰিবলৈ নতুন দিল্লীত উপস্থিত হৈছে আমেৰিকাৰ ৰাষ্ট্ৰপতি জো বাইডেন। শুকুৰবাৰে সন্ধিয়া তেওঁ দিল্লীত উপস্থিত হয়। তাৰ পিছত আমেৰিকাৰ ৰাষ্ট্ৰপতি ৭ নং লোকমান্য মাৰ্গত প্ৰধানমন্ত্ৰী নৰেন্দ্ৰ মোডীৰ বাসগৃহলৈ যায়। দুই ৰাষ্ট্ৰনেতা বৈঠকত মিলিত হয়।
ইপিনে, আমেৰিকাৰ ৰাষ্ট্ৰপতি বিমানখনৰ পৰা নামি অহাৰ পিছৰ মুহূৰ্তৰ এটা ভিডিঅ’ ছ’চিয়েল মিডিয়াত ভাইৰেল হৈছে। য’ত দেখা গৈছে আমেৰিকাৰ ৰাষ্ট্ৰপতি বাইডেনে এগৰাকী নাবালিকাক সাৱটি ধৰিছে। আমেৰিকাৰ ৰাষ্ট্ৰপতিৰ এই ভিডিঅ’টোক লৈ আৰম্ভ হৈছে বিভিন্ন জল্পনা-কল্পনা। কোন এই নাবালিক?
লগতে পঢ়ক: বিমানৰ ভিতৰতে বিমানসেৱিকাক সাৱটি ধৰি চুম্বনৰ চেষ্টা; ভাৰতত গ্ৰেপ্তাৰ বাংলাদেশী যুৱক
শুকুৰবাৰে সন্ধিয়া দিল্লী আন্তঃৰাষ্ট্ৰীয় বিমানবন্দৰত এয়াৰ ফৰ্চ ৱান বিশেষ বিমানখনৰ পৰা নামে আমেৰিকাৰ ৰাষ্ট্ৰপতি জো বাইডেন। বিমানবন্দৰত তেওঁক আদৰণি জনায় কেন্দ্ৰীয় মন্ত্ৰী জেনেৰেল ভি কে সিঙে। ইয়াৰ উপৰিও বিমানবন্দৰত উপস্থিত আছিল আমেৰিকাৰ ৰাষ্ট্ৰদূত আৰু অন্যান্য নেতাসকল।
তেওঁলোকৰ পৰা উষ্ম আদৰণি লাভ কৰাৰ পিছত আমেৰিকাৰ ৰাষ্ট্ৰপতিগৰাকীয়ে নাবালিকা এগৰাকীৰ সৈতে বহু সময় কথা পাতি থকা দেখা গ’ল। তাৰ পিছত জো বাইডেনে তেওঁক সাৱটি ধৰিলে।
লগতে পঢ়ক: কাৰখানা স্থাপনৰ আৰ্জিৰে হাৰিয়ানাৰ মুখ্যমন্ত্ৰীৰ কাষ চাপিল মহিলা; কৰিলে চন্দ্ৰলৈ প্ৰেৰণৰ উপহাস !
জানিব পৰা গৈছে যে আমেৰিকাৰ ৰাষ্ট্ৰপতি জো বাইডেনে সাৱটি ধৰা নাবালিকাগৰাকীৰ নাম মায়া জুয়ানিতা গাৰ্চেট্টি। ১২ বছৰীয়া মায়া আমেৰিকাৰ ৰাষ্ট্ৰদূত এৰিক গাৰ্চেট্টীৰ একমাত্ৰ কন্যা। মায়া আমেৰিকাৰ ৰাষ্ট্ৰপতিগৰাকীক ভাৰতলৈ আদৰিবলৈ পিতৃৰ সৈতে বিমানবন্দৰলৈ আহিছিল। আমেৰিকাৰ ৰাষ্ট্ৰপতি জো বাইডেনে এই ছোৱালীজনীৰ আন্তৰিক অভিনন্দনক আদৰণি জনায়।
#WATCH | G-20 in India: US President Joe Biden arrives in Delhi for the G-20 Summit
He will hold a bilateral meeting with PM Narendra Modi today pic.twitter.com/IVWUE0ft7E
— ANI (@ANI) September 8, 2023
উল্লেখ্য যে সন্ধিয়া প্ৰধানমন্ত্ৰীৰ বাসগৃহত মোডী আৰু বাইডেনক অতি আনন্দ মনেৰে আলোচনা কৰা দেখা যায়। বাইডেনক আদৰিবলৈ আৱাসগৃহৰ বাহিৰত ৰৈ আছিল মোডী। গাড়ীৰ পৰা নামি অহাৰ লগে লগে বাইডেনৰ সৈতে হাত মিলাই সম্ভাষণ জনায় মোডীয়ে। তাৰ পিছত আৱাসগৃহৰ ভিতৰত খোজ কাঢ়ি যোৱাৰ সময়ত ইজনে সিজনৰ কান্ধত হাত থৈ কথা পাতি যোৱাও দেখা যায়। কূটনৈতিক মহলৰ ধাৰণা যে এই দ্বিপাক্ষিক বৈঠকে অনাগত দিনত ভাৰত-আমেৰিকাৰ সম্পৰ্ক সুদৃঢ় কৰিব।
