ৰবীন্দ্ৰনাথ ঠাকুৰ ৰচিত ‘আমাৰ সোণাৰ বাংলা, আমি তোমায় ভালবেসে’ গীতটি কেবল বাংলাদেশৰ ৰাষ্ট্ৰীয় সংগীতেই নহয়, ই বঙালী সংস্কৃতি আৰু জাতীয়তাবাদৰ এক চিৰন্তন প্ৰতীক। এই গীতটিৰ এক গৌৰৱময় ইতিহাস আছে। ১৯০৫ চনত ৰচনা কৰা এই গীতটি আছিল ব্ৰিটিছৰ বংগ বিভাজনৰ বিৰুদ্ধে এক শক্তিশালী অস্ত্ৰ।
এই গীতটি সেই সময়ত ‘বংগ ভংগ’ ৰ বিৰুদ্ধে সমগ্ৰ বংগৰ ঐক্য আৰু জাতীয় চেতনাৰ এক প্ৰতীক হৈ পৰিছিল। গীতটিৰ সুৰটো লোৱা হৈছিল শিলাইদহৰ প্ৰখ্যাত বাউল গায়ক গগন হৰকৰা ৰ ‘আমি কোথায় পাব তারে আমার মনের মানুষ যে রে’ শীৰ্ষক গীতৰ পৰা।
শেহতীয়াকৈ শ্ৰীভূমিত অনুষ্ঠিত অসম প্ৰদেশ কংগ্ৰেছৰ এখন সভাত গীতটো পৰিৱেশন কৰাক লৈ ৰাজনৈতিক মহলত সৃষ্টি হোৱা বিতৰ্কই ইয়াৰ তাৎপৰ্যক পুনৰবাৰ পোহৰলৈ আনিছে।
১৯৭১ চনত মুক্তিযুদ্ধৰ সময়ত আৰু ১৯৭২ চনত বাংলাদেশৰ প্ৰথম মন্ত্ৰীসভাৰ বৈঠকত গীতটিৰ প্ৰথম দহ শাৰী স্বাধীন বাংলাদেশৰ ৰাষ্ট্ৰীয় সংগীত হিচাপে গ্ৰহণ কৰা হয়।
শেহতীয়াকৈ অসমৰ কৰিমগঞ্জ জিলাৰ শ্ৰীভূমি অঞ্চলত অনুষ্ঠিত হোৱা অসম প্ৰদেশ কংগ্ৰেছৰ সেৱা দলৰ এখন সভাত স্থানীয় এজন কংগ্ৰেছ নেতাৰ দ্বাৰা ‘আমাৰ সোণাৰ বাংলা’ গীতটি পৰিৱেশন কৰা হয়। এই ঘটনাই অসমৰ ৰাজনীতিত এক তীব্ৰ বিতৰ্কৰ সৃষ্টি কৰে।
শাসকীয় ভাৰতীয় জনতা পাৰ্টি (BJP)-এ এই কাৰ্যৰ তীব্ৰ সমালোচনা কৰে। তেওঁলোকে অভিযোগ কৰে যে এখন ভাৰতীয় ৰাজনৈতিক দলৰ সভাত বাংলাদেশৰ ৰাষ্ট্ৰীয় সংগীত গোৱাটো দেশৰ সাৰ্বভৌমত্বৰ প্ৰতি এক অপমান আৰু ইয়াৰ যোগেদি কংগ্ৰেছে ‘বাংলাদেশপ্ৰীতি’ প্ৰদৰ্শন কৰিছে।
বিশেষকৈ বৰাক উপত্যকাত বাংলাভাষী লোকসকলৰ বসতি আৰু অবৈধ অনুপ্ৰৱেশক লৈ চলি থকা বিতৰ্কৰ মাজত এই গীত পৰিৱেশনে বিজেপিক কংগ্ৰেছক আক্ৰমণ কৰিবলৈ এটা সুযোগ প্ৰদান কৰে।
অসমৰ মুখ্যমন্ত্ৰী ড° হিমন্ত বিশ্ব শৰ্মাই বিষয়টোক গুৰুত্বসহকাৰে লৈ সংশ্লিষ্ট কংগ্ৰেছ নেতাৰ বিৰুদ্ধে দেশদ্ৰোহৰ গোচৰ তৰাৰ নিৰ্দেশ দিয়া বুলিও সংবাদ মাধ্যমত প্ৰকাশ পাইছে।
ইফালে, কংগ্ৰেছ দলে এই অভিযোগক খণ্ডন কৰিছে। তেওঁলোকে স্পষ্ট কৰি দিয়ে যে গীতটি কেৱল বাংলাদেশৰ ৰাষ্ট্ৰীয় সংগীত নহয়, ইয়াৰ ই হৈছে ৰবীন্দ্ৰনাথ ঠাকুৰৰ দ্বাৰা ৰচিত এক শক্তিশালী স্বদেশী গীত, যি বঙালী সংস্কৃতি, ভাষা আৰু আবেগ ৰ প্ৰতীক।
অসম প্ৰদেশ কংগ্ৰেছৰ সভাপতি আৰু অন্যান্য নেতাই কয় যে বিজেপিয়ে বাংলা ভাষা আৰু বঙালী সংস্কৃতিৰ প্ৰতি সদায়ে তাচ্ছিল্য ভাব পোষণ কৰি আহিছে। তেওঁলোকৰ মতে, ৰবীন্দ্ৰনাথৰ এই গীত গোৱাকলৈ বিতৰ্ক সৃষ্টি কৰাটো কেৱল বাঙালি বিদ্বেষ ৰ বহিঃপ্ৰকাশ।
কংগ্ৰেছে জোৰ দিয়ে যে এই গীতটিৰ লগত দেশদ্ৰোহৰ কোনো সম্পৰ্ক নাই, বৰঞ্চ ই বঙালী মানুহৰ মাজত থকা এক জনপ্ৰিয় আৰু সন্মানীয় সৃষ্টি।‘আমাৰ সোণাৰ বাংলা’ গীতটিৰ ইতিহাস অত্যন্ত গৌৰৱময় আৰু ই ভাৰত তথা বাংলাদেশৰ বাংলাভাষী লোকসকলৰ এক উমৈহতীয়া সাংস্কৃতিক ঐতিহ্য বহন কৰে। এই গীতটিৰ ওপৰত ৰাজনৈতিক বিতৰ্ক সৃষ্টি হোৱাটোৱে অসমৰ দৰে সংবেদনশীল অঞ্চলত ভাষা, সংস্কৃতি আৰু ৰাষ্ট্ৰীয় পৰিচয়ৰ বিষয়সমূহ কেনেধৰণে অতি সহজে ৰাজনৈতিক ইন্ধন যোগাব পাৰে, তাকেই সূচায়। গীতটিৰ মূল চেতনাৰ পৰা আঁতৰি কেৱল ৰাজনৈতিক মুনাফাৰ বাবে এই বিতৰ্ক সৃষ্টি কৰাটো এক দুৰ্ভাগ্যজনক বিষয়।
উল্লেখ্য যে ২০২৪ চনৰ ফেব্ৰুৱাৰী মাহত পশ্চিম বংগত নৰেন্দ্ৰ মোদীয়ে পৰিৱেশন কৰিছিল উক্ত গীতটি। সেয়ে প্ৰশ্ন হয়, যদিহে হিমন্ত বিশ্ব শৰ্মাই এই গীত গোৱাৰ বাবে কংগ্ৰেছ নেতাৰ বিৰুদ্ধে দেশদ্ৰোহীতাৰ গোচৰ ৰুজু কৰে তেন্তে নৰেন্দ্ৰ মোদীৰ বিৰুদ্ধেও দেশদ্ৰোহিতাৰ গোচৰ ৰুজু কৰিবনে?
