ৰাজপথত ঘেৰি ধৰি বেতেৰে কোবাইছে এগৰাকী মহিলাক। সহায় বিচাৰি চিৎকাৰ কৰিছে মহিলাগৰাকীয়ে। কিন্তু কোনো পথচাৰী আগবাঢ়ি নাহিল, তাৰ পৰিৱৰ্তে দূৰৈৰ পৰা থিয় হৈ ঘটনাৰ ভিডিঅ’হে কৰে। এই ঘটনাৰ ভিডিঅ’ পোহৰলৈ আহিছে। অৱশ্যে বাতৰিৰ উৎস পশ্চিমবংগৰ সংবাদ প্ৰতিষ্ঠান আনন্দবাজাৰ অনলাইনে ভিডিঅ’টোৰ সত্যতা পৰীক্ষা কৰা নাই।
মধ্যপ্ৰদেশৰ ধৰ জিলাত সংঘটিত হৈছে এই ঘটনা। তাত থকা টাণ্ডা অঞ্চলত পঞ্চায়ত মুৰব্বীকে ধৰি কেইবাজনো লোকে মহিলাগৰাকীক প্ৰহাৰ কৰাৰ অভিযোগ উত্থাপন হৈছে। আৰক্ষী সূত্ৰৰ পৰা জানিব পৰা মতে, এই ঘটনা ২০ জুনৰ। স্থানীয় সূত্ৰৰ পৰা জানিব পৰা মতে, মহিলাগৰাকীয়ে এজন পুৰুষৰ সৈতে ঘৰৰ পৰা পলায়ন কৰে। কিন্তু ৰাজপথত তেওঁক বিচাৰি পাই প্ৰহাৰ কৰা বুলি অভিযোগ উত্থাপন হৈছে।
ভিডিঅ’টোত হালধীয়া ৰঙৰ শাৰী পিন্ধা এগৰাকী মহিলাক পাঁচজন লোকে ধৰি ৰখা দেখা গৈছে। ইয়াৰ পাছত দেখা গ’ল বগা কাপোৰ পিন্ধা এজন ব্যক্তিয়ে মহিলাগৰাকীয়ে চিঞৰি থকাৰ লগে লগে মহিলাগৰাকীৰ ওপৰত লাঠিৰ আঘাত বাঢ়ি আহিল।
ৰাস্তাত এই ঘটনা ঘটি থকাৰ সময়তে একাংশ পথচাৰী থিয় হৈ আছিল।এই দৃশ্যটো চাই থাকিল যদিও মহিলাগৰাকীয়ে সহায়ৰ বাবে আহ্বান জনোৱাৰ পাছতো কোনো আগবাঢ়ি নাহিল। একাংশই এই ঘটনাৰ ভিডিঅ’ও বনাইছিল। ভিডিঅ’টো আৰক্ষীৰ ওচৰ পোৱাৰ লগে লগে অভিযুক্তৰ বিৰুদ্ধে ব্যৱস্থা গ্ৰহণ কৰে। ধৰৰ আৰক্ষী অধীক্ষক মনোজ কুমাৰ সিঙে কয় যে মহিলাগৰাকীয়ে এজাহাৰ দাখিল কৰিছে।ইতিমধ্যে চিনাক্ত হৈছে মূল অভিযুক্ত। তেওঁ হৈছে নূৰ সিং ভুৰিয়া।
