এগৰাকী ২৫ বছৰীয়া যুৱক আদিত্য সন্তোষে বেংগালুৰুৰ এটা কল চেণ্টাৰত কাম কৰিছিল। সেই বিপিঅ’ৰে এজনী ২২ বছৰীয়া সহকৰ্মীৰ সৈতে তেওঁৰ ঘনিষ্ঠ সম্পৰ্ক গঢ়ি উঠে। আদিত্যই তেওঁলোকৰ নিজৰ অন্তৰংগ মুহূৰ্তৰ ছবি তুলি মোবাইল ফোনত ৰাখে। তাতেই যুৱতীগৰাকীয়ে বিপদটো বুজি পালে।
যুৱতীগৰাকীয়ে আদিত্যক নজনোৱাকৈ তেওঁৰ ফোনৰ পৰা সিহঁতৰ অন্তৰংগ মুহূৰ্তৰ ফটো ডিলিট কৰিবলৈ চেষ্টা কৰে। আৰু, সেই সময়তে তেওঁ যি দেখিলে তাতে চকু গৈ কপালত উঠিল!
লগতে পঢ়কঃ চতুৰ্থবাৰৰ বাবে সুৰংগত বন্দী; দম বন্ধ হ’ব খোজা আন্ধাৰত ১৭ দিন বাকী ৪০জনক উজ্জীৱিত কৰি ৰাখিছিল গব্বৰে
কেৱল প্ৰাক্তন বা বৰ্তমানৰ প্ৰেমিকাই নহয়। আদিত্যৰ মোবাইলত অফিচৰ বহু সহকৰ্মীৰ নগ্ন ফটো আছে। সেই ছবিবোৰৰ মুঠ সংখ্যা ১৩ হাজাৰ। এই যুৱকে নিজৰ ফোনত ১৩ হাজাৰ মহিলাৰ নগ্ন ছবি সংৰক্ষণ কৰি ৰাখিছে। যুৱতীগৰাকীয়ে ছবিসমূহ দেখি লগে লগে কাৰ্যালয় কৰ্তৃপক্ষৰ সৈতে যোগাযোগ কৰে।
যোৱা ৫ মাহ ধৰি সেই কল চেণ্টাৰত কাম কৰি আছিল আদিত্য সন্তোষ। এই যুৱতীগৰাকীৰ সৈতে তেওঁ ৪ মাহ ধৰি প্ৰেমৰ সম্পৰ্কত জড়িত হৈ আছিল।
তেওঁৰ এই কুকাৰ্যৰ বিষয়ে জানিব পাৰি কাৰ্যালয় কৰ্তৃপক্ষ আৰু সহকৰ্মীসকলৰ সহায়ত আৰক্ষীৰ ওচৰত এজাহাৰ দাখিল কৰা হয়। বেংগালুৰু আৰক্ষীয়ে অভিযোগ লাভ কৰাৰ পিছতে ফোনটো পৰীক্ষা কৰি ২৫ বছৰীয়া আদিত্যক গ্ৰেপ্তাৰ কৰে।
লগতে পঢ়কঃ পৰস্ত্ৰীলৈ চকু কিয়! খঙতে ৰেবিজৰ বেজীৰে প্ৰেমিকৰ চকু ফুটালে মহিলাই
আৰক্ষীৰ সূত্ৰই জনোৱা মতে, এই ১৩ হাজাৰ ছবিৰ অধিকাংশই মৰ্ফ কৰা ছবি, অৰ্থাৎ আন ছবিৰ পৰা এডিট কৰি নগ্ন ছবি বনোৱা হৈছে। এই ছবিবোৰ অভিযুক্ত যুৱকজনে নিজৰ যৌন ইচ্ছা পূৰণৰ বাবে ব্যৱহাৰ কৰিছিল। কিন্তু তেওঁ ছবিসমূহ ক’ৰবাত প্ৰচাৰ কৰিছিল নেকি বা কেতিয়াবা কাৰোবাক দেখুৱাই ব্লেকমেইল কৰিছিল নেকি সেই সন্দৰ্ভত তদন্ত চলি আছে। এই সন্দৰ্ভত আৰক্ষীয়ে আদিত্য সন্তোষৰ জেৰা অব্যাহত ৰাখিছে।