যদিহে ই আন দলৰ সমৰ্থন আদায় কৰিব নোৱাৰে বা তেওঁলোকৰ কিছুমানক ভোটদানৰ পৰা বিৰত ৰাখিব নোৱাৰে তেন্তে মহিলা সংৰক্ষণ বিধেয়ক দুই-তৃতীয়াংশ সংখ্যাগৰিষ্ঠতাৰে গৃহীত কৰিবলৈ সংসদত প্ৰয়োজনীয় সংখ্যা শাসকীয় এন ডি এৰ হাতত নাই।
সদনৰ ৫৪ শতাংশ হিচাপে লোকসভাত এন ডি এৰ ২৯৩ জন সদস্যৰ সমৰ্থন থকাৰ বিপৰীতে বিৰোধী দলৰ আছে ২৩৩ জন সাংসদ। ৭ জন সাংসদ নিৰ্দলীয় হোৱাৰ বিপৰীতে ৭ জন সাংসদ ৱাই এছ আৰ চি পি, এ আই এম আই এম আৰু শিৰোমণি আকালি দলৰ দৰে দলৰ, যিয়ে এতিয়াও মুকলিকৈ বিধেয়কৰ প্ৰতি সমৰ্থন কৰা নাই।
নিয়ম অনুসৰি সংবিধান সংশোধনী বিধেয়ককে ধৰি ৩৬০ জন সাংসদে বিধেয়কসমূহৰ সমৰ্থন কৰিব লাগিব, যিটো উপস্থিত আৰু ভোটদান কৰা সদস্যৰ দুই-তৃতীয়াংশ।
লোকসভাত অনুমোদন লাভ কৰিবলৈ হ’লে সমাজবাদী পাৰ্টি (৩৭ জন সাংসদ), তৃণমূল কংগ্ৰেছ (২৮ জন সাংসদ) বা ডি এম কে (২২ জন সাংসদ)ৰ মাজৰ পৰা কমেও দুটা মূল বিৰোধী দলে ভোটদানৰ পৰা বিৰত থাকিব লাগিব। লোকসভাত কংগ্ৰেছৰ আছে ৯৮ জন সাংসদ। আনহাতে, এন ডি এৰ পৰা লোকসভাত বিজেপিৰ ২৪০ জন, টিডিপিৰ ১৬ জন আৰু জেডিইউৰ ১২ জন সাংসদ আছে।
যদিহে বিধেয়কখনে লোকসভাৰ অনুমোদন নাপায় তেন্তে ৰাজ্যসভাত এই বিধেয়ক উত্থাপন নহ’ব। ৰাজ্যসভাত ৫৮ শতাংশ হিচাপত এন ডি এৰ পক্ষত ১৪১ জন সদস্য আছে আৰু বিৰোধীৰ সমৰ্থনত আছে ৮৩ জন সাংসদ।
বি আৰ এছ, ৱাই এছ আৰ চি পি, বি জে ডি, আৰু বি এছ পিৰ দৰে দল আৰু নিৰ্দলীয় দলৰ উচ্চ সদনত ২০ জন সাংসদ আছে আৰু তেওঁলোকৰ ভোটে গুৰুত্বপূৰ্ণ ভূমিকা গ্ৰহণ কৰিব পাৰে।
সংবিধান সংশোধনী বিধেয়কখন উচ্চ সদনত গৃহীত হ’বলৈ হ’লে শাসকীয় মিত্ৰজোঁটক উপস্থিত থাকি ভোটদান কৰিবলৈ ১৬৩ জন সাংসদৰ সমৰ্থনৰ প্ৰয়োজন, যিটো সদনৰ দুই-তৃতীয়াংশ সংখ্যাগৰিষ্ঠতা।
ৰাজ্যসভাত বিজেপিৰ ১০৭ জন সাংসদ থকাৰ বিপৰীতে কংগ্ৰেছৰ ২৮ জন, তৃণমূলৰ ১৩ জন, আপৰ ১০ জন আৰু ডিএমকেৰ ৮ জন সাংসদ আছে।
সূত্ৰসমূহে জনোৱা মতে, বিজেপিৰ কেইবাগৰাকীও সাংসদে ব্যক্তিগতভাৱে স্বীকাৰ কৰিছে যে তেওঁলোকৰ হাতত মূল বিধেয়কসমূহ গৃহীত কৰিবলৈ সংখ্যা নাই। সংবিধান সংশোধনৰ বাবে সংসদৰ দুয়োটা সদনত মুঠ সদস্যৰ সংখ্যাগৰিষ্ঠতা (৫০ শতাংশতকৈ অধিক) আৰু উপস্থিত আৰু ভোটদান কৰা সদস্যৰ দুই-তৃতীয়াংশ সংখ্যাগৰিষ্ঠতাৰ প্ৰয়োজন। গতিকে যদি বৰ্তমান সদনত থকা ৫৪০ জন সদস্যই উপস্থিত থাকে আৰু ভোটদান কৰে, তেন্তে দুই-তৃতীয়াংশ সংখ্যাগৰিষ্ঠতাৰ বাবে লাগিব ৩৬০জন সদস্যৰ সমৰ্থন।
বিধেয়কসমূহ গৃহীত কৰাত সকলো পক্ষৰ সমৰ্থন বিচৰাৰ সময়তে প্ৰধানমন্ত্ৰী নৰেন্দ্ৰ মোদীয়ে লোকসভাত এক তীব্ৰ আবেদন জনাই কয় যে যদিহে বিৰোধীয়ে বিধেয়কসমূহৰ বিৰোধিতা কৰে তেন্তে তেওঁ সকলো ক্ৰেডিট পাব কিন্তু সকলোৱে আইনখনক সমৰ্থন কৰিলে সকলোকে “ব্লেংক চেক” দিবলৈ সাজু।
ইপিনে, মহিলা সংৰক্ষণ আইন সংশোধন কৰি সীমা নিৰ্ধাৰণ আয়োগ গঠনৰ বাবে লোকসভাত তিনিখন বিধেয়ক সন্দৰ্ভত শুকুৰবাৰে সন্ধিয়া ৪ বজাত ভোটগ্ৰহণ অনুষ্ঠিত হ’ব।
