বিশ্ব স্বাস্থ্য সংস্থাই ৱৰ্ল্ড ন’ টবাক’ ডেৰ দিনাই দেওবাৰে প্ৰকাশ কৰিছে এক গুৰুতৰ তথ্য—বিশ্বজুৰি আজিৰ তাৰিখত ৪০ নিযুতকৈয়ো অধিক নাবালকে ধঁপাত ব্যৱহাৰ কৰে।
স্বাস্থ্য সংস্থাৰ মতে বিশ্বজুৰি বৰ্তমান ১৩ৰ পৰা ১৫ বছৰ বয়সৰ ভিতৰৰ ৪০ নিযুতকৈ অধিক শিশুৱে ধঁপাত ব্যৱহাৰ কৰি আহিছে।
ধঁপাত উদ্যোগে প্ৰতি বছৰে ৯ বিলিয়ন মাৰ্কিন ডলাৰ বিজ্ঞাপনৰ নামত খৰচ কৰে।
বিশ্ব স্বাস্থ্য সংস্থাই কিশোৰসকলৰ মাজত ধঁপাতৰ বিৰুদ্ধে সজাগতা সৃষ্টিৰ কাৰণে কাম কৰি আহিছে।
বিশ্ব স্বাস্থ্য সংস্থাই কয় যে ধঁপাত উদ্যোগটোৱে বৰ্ধিতভাৱে তৰুণসকলক লক্ষ্য কৰিবলৈ লৈছে।
ধঁপাতজাতীয় সামগ্ৰীৰ ব্যৱহাৰৰ ফলত বছৰি ৮ মিলিয়ন লোক মৃত্যুমুখত পৰে।
স্বাস্থ্য সংস্থাটোৱে লগতে কয় যে এই নিচাজাতীয় সামগ্ৰীসমূহৰ ব্যৱহাৰে মানুহৰ কৰ’নাভাইৰাছৰ বিৰুদ্ধে যুঁজাৰ সক্ষমতা হ্ৰাস কৰে।
তৰুণসকলক সজাগ কৰাটো গুৰুত্বপূৰ্ণ বুলি অভিহিত কৰি স্বাস্থ্য সংস্থাটোৱে কয় যে দহৰ ভিতৰত নজন ধূমপানকাৰীয়ে ১৮ বছৰ বয়সৰ পূৰ্বেই ইয়াক আৰম্ভ কৰে।
পৰম্পৰাগত চিগাৰেটৰ সুৰক্ষিত বিকল্পৰূপে বজাৰত এৰা ই-চিগাৰেট আৰু হোকা পাইপসমূহ সন্দৰ্ভত স্বাস্থ্য সংস্থাটোৱে কয় যে এইবোৰ ক্ষতিকাৰক, নিচাকাৰক আৰু এইবোৰে হৃদ আৰু হাওঁফাওঁৰ ৰোগৰ ক্ষতিশংকা বৃদ্ধি কৰে।
স্বাস্থ্য সংস্থাই লগতে কয় যে তৰুণসকলক আকৰ্ষিত কৰাৰ বাবে বাবল গাম আৰু কেণ্ডিৰ ৰূপত ১৫০০০ ধঁপাতজাতীয় সামগ্ৰী বিক্ৰী কৰি অহা হৈছে।
যিবোৰৰ ব্যৱহাৰৰ ফলত জীৱনত পিছলৈ তৰুণসকল গুৰুতৰ নিক’তিন ব্যৱহাৰকাৰী হৈ উঠাৰ সম্ভাৱনা থাকে।
