১১৩ বছৰ সম্পূৰ্ণ কৰিবলৈ আগবঢ়া, বিশ্বৰ বৰ্তমানৰ আটাইতকৈ বয়সস্থ পুৰুষ জাপানী বৃদ্ধ চিটেতচু ৱাতানাবিয়ে ব্যক্ত কৰিছে তেওঁৰ দীৰ্ঘজীৱনৰ আঁৰৰ ৰহস্য।
নিজৰ দীৰ্ঘজীৱনৰ আঁৰৰ ৰহস্য জানিব খোজাত ১১৩ বছৰীয়া ব্যক্তিজনে উপদেশ দিয়ে: “খং নকৰিব আৰু হাঁহি থাকিব।”
১১২ বছৰ আৰু ৩৪৪ দিনত ভৰি দিয়া বৃদ্ধজনক গীনীজ বুক অৱ ৱৰ্ল্ড ৰেকৰ্ডছে বুধবাৰে এক প্ৰমাণ পত্ৰ প্ৰদান কৰে।
ৱাতানাবিৰ জন্ম হৈছিল ১৯০৭ চনত উত্তৰ জাপানৰ নিগাতাত।
বৃদ্ধজনে এতিয়াও মিঠা খাই ভাল পায়। কৃষি বিষয়ত স্নাতক ডিগ্ৰী লোৱাৰ পিছত তেওঁ ১৮ বছৰ ধৰি জাপানৰ এক প্ৰতিষ্ঠানৰ হৈ টাইৱানৰ কুঁহিয়াৰ খেতিত কাম কৰিছিল।
দ্বিতীয় বিশ্বযুদ্ধৰ পিছত তেওঁ পুনৰ জন্মস্থান নিগাতালৈ ঘূৰি আহিছিল।
ৱাতানাবিৰ পূৰ্বেও বিশ্বৰ আটাইতকৈ বয়সীয়াল ব্যক্তি এগৰাকী জাপানীয়েই আছিল।
১১৭ বছৰ গৰকা মাছাজ’ ন’নাকা নামৰ উক্ত মহিলাগৰাকীৰ যোৱা মাহত মৃত্যু হৈছে।
