বেদনা বিহ্বল আজি সকলো! প্ৰকৃতিৰ কোলাত নিতালে শুই পৰিছে অসমৰ হিয়াৰ আমঠু প্ৰিয় শিল্পী জুবিন গাৰ্গ। শেষ শ্ৰদ্ধাঞ্জলি জনাইছে অগণন অনুৰাগীয়ে। কিন্তু এই শোকাকুল পৰিবেশৰ মাজতো অনুৰাগী সকল তথা অসমৰ সচেতেন মহলৰ মাজত জুবিন গাৰ্গৰ মৃত্যুৰ কাৰণ সন্দৰ্ভত তীব্ৰ চৰ্চা চলিছে। কিয়নো সংবাদ মাধ্যমত শিল্পী গৰাকীৰ মৃত্যুৰ কাৰণ সন্দৰ্ভত বিভিন্ন মত দেখিবলৈ পোৱা গৈছে কোনেও একমতত ক’ব পৰা নাই মৃত্যুৰ কাৰণ। এই সন্দৰ্ভত সামাজিক মাধ্যমত বিভিন্ন তৰ্ক বিতৰ্ক দেখিবলৈ পোৱা গৈছে আৰু দোষীৰ উচিত শাস্তিৰ দাবী কৰিছে।
চৰকাৰে এই ঘটনাৰ তদন্তৰ বাবে CIDক নিৰ্দেশ দিছে আৰু ইতিমধ্যে নৰ্থইষ্ট ফেষ্টিভেলৰ আয়োজক শ্যামকানু মহন্ত আৰু মেনেজাৰ সিদ্ধাৰ্থ শৰ্মাৰ বিৰুদ্ধে একাধিক FIR পঞ্জীয়ন কৰা হৈছে। কিন্তু একাংশই দাবী কৰিছে যে এই গোচৰত ভাৰতীয় ন্যায় সংহিতা (BNS)ৰ ২৩৮ ধাৰা সন্নিবিষ্ট কৰা উচিত বুলি মত পোষণ কৰিছে। যি সাক্ষ্য লুকুৱাবলৈ চেষ্টা কৰা বা ভুল তথ্য প্ৰদান কৰাৰ সৈতে জড়িত।
অসমৰ প্ৰাক্তন আৰক্ষী মহাপৰিদৰ্শক প্ৰধান ভায়লেট বৰুৱাই এই সন্দৰ্ভত সামাজিক মাধ্যমৰ জৰিয়তে মত প্ৰকাশ কৰিছে যে “আজিৰ এই পৰিস্থিতিত আটাইতকৈ সুৰক্ষিত ভাবে বাচি থকাৰ একমাত্ৰ উপায় হৈছে পুলিচ এৰেষ্ট। ইতিমধ্যে কেচ ৰেজিষ্টাৰ হৈছে কিন্তু আৰক্ষীয়ে S.238 of BNS (causing disappearance of evidence বা providing false information) ধাৰাটো CID এ পঞ্জীয়ন কৰা কেচটোত সন্নিৱিষ্ট কৰিব লাগিছিল। অৱশ্যে এতিয়াও সময় আছে।
বিষয়টো হ‘ল নৱপ্ৰজন্মৰ হাৰ্টথ্ৰৱ জুবিন, লগতে আমাৰবোৰৰো হিয়াৰ এফাল, ঘৰত দুষ্টালি কৰি থকা নিস্পাপ শিশুটিৰ দৰে। সেই বাবে “অসমীয়া হে” বুলি……”
https://www.facebook.com/share/p/1FijAcVhM4
সকলোৰে এটাই প্ৰশ্ন যে জুবিন গাৰৰ্গৰ মৃত্যুৰ বাবে জগৰীয়া সকলো তদন্তৰ আওতালৈ আহিব লাগে আৰু দুখীৰ উচিত শাস্তি হ’ব লাগে আৰু দুখী যাতে ন্যায় ব্যৱস্থাৰ সুৰুঙালৈ বাচি যাব নোৱাৰে তাৰ ব্যৱস্থা গ্ৰহণ কৰিব লাগে।
