সেনা বাহিনীৰ ৰেড হৰ্ন ডিভিজনে অসম আৰক্ষীৰ সৈতে যুটীয়া অভিযান চলাই কাৰ্বি আংলং জিলাৰ বাৰলংফাৰৰ পৰা ২৯ কি. মি. উত্তৰ পূবে অৱস্থিত মানজাৰ পৰা এজন সন্দেহযুক্ত কুকি উগ্ৰপন্থীক গ্ৰেপ্তাৰ কৰিবলৈ সক্ষম হয়।
গোপন সূত্ৰৰ পম খেদি সেনা আৰক্ষীয়ে কালি চলোৱা অভিযানত গ্ৰেপ্তাৰ হোৱা উগ্ৰপন্থীজনৰ হাতৰ পৰা ১২৫ গ্ৰামকৈ ওজনৰ ১২ ডাল নিয়’জেল ৯০, ৩৪ টা ডিটনেটৰ আৰু ১০ ৰ পৰা ১২ চে. মি. দৈৰ্ঘৰ ১২ টা ফিউজ বাজেয়াপ্ত কৰা হয়।
গ্ৰেপ্তাৰ হোৱা লোকজনক কাৰ্বি আংলং জিলাৰ মানজাৰ অঞ্চলৰ থুংজালিয়ানৰ পুত্ৰ ৫৮ বছৰীয়া চুমলিয়ান থাং বুলি চিনাক্ত কৰা হৈছে।
