শুকুৰবাৰে ৰাজ্যত বিশ্বকৰ্মা পূজাৰ ধামধুমীয়াৰ মাজতে মহানগৰীৰ আঠগাঁৱত সংঘটিত হৈছে এক নিসংশ আক্ৰমণৰ ঘটনা। আঠগাঁৱত এজন ব্যক্তিৰ আক্ৰমণত গুৰুতৰভাৱে আহত হৈছে এজন অটো চালক।
জানিব পৰা মতে,আঠগাঁৱৰ কাবাডী বজাৰৰ ৪ নং ৰেল গেটত জীয়াউৰ ৰহমান নামৰ এজন আততায়ীয়ে চোকা অস্ত্ৰৰে আক্ৰমণ কৰে অমৃত গিৰি নামৰ অটো চালকজনক। হঠাতে হোৱা আক্ৰমণত গুৰুতৰভাৱে আঘাতপ্ৰাপ্ত হয় অটো চালকজন।
অমৃত গিৰিক মূমূৰ্ষু অৱস্থাত ততাতৈয়াকৈ চিকিৎসাৰ বাবে গুৱাহাটী মেডিকেল কলেজত ভৰ্তি কৰোৱা হয়।
Latest News: অনুৰ্বৰ ভূমি আৰু পৰিত্যক্ত খনিত ভাৰতৰ আটাইতকৈ ডাঙৰ মানৱসৃষ্ট অৰণ্য নিৰ্মাণ কৰিবলৈ লৈছে ছত্তীছগড়ে
ইফালে,আক্ৰমণ সংঘটিত কৰি আততায়ী জীয়াউৰ ৰহমানে পলায়ন কৰে। তেওঁ বৰ্তমানো পলাতক অৱস্থাত আছে বুলি আৰক্ষীয়ে জানিবলৈ দিয়ে।
বৰ্তমানলৈকে এই আক্ৰমণৰ কোনো নিৰ্দিষ্ট কাৰণ আৰক্ষীয়ে উদঘাটন কৰিব পৰা নাই যদিও আৰক্ষীয়ে তদন্ত অব্যাহত ৰাখিছে।
