কলিয়াবৰ মহকুমাৰ অন্তৰ্গত ননৈ চাহ বাগিচাত আজি অৰ্থাৎ শনিবাৰে যক্ষ্মা ৰোগৰ ওপৰত এখন সজাগতা সভা আৰু এক চিকিৎসা প্ৰদান শিবিৰ অনুষ্ঠিত কৰা হয়।
ননৈ চাহ বাগিচাত এমালগেমেটেড প্ৰাইভেট লিমিটেডৰ দ্বাৰা অনুষ্ঠিত গাম্ভীৰ্য্যপূৰ্ণ সজাগতা সভাখনত ৰাজ্যিক যক্ষ্মা বিষয়ববীয়া, জিলা যক্ষ্মা বিষয়ববীয়াসকলৰ লগতে কলিয়াবৰ মহকুমাৰ মহকুমাধিপতি বিতুপন নেওগ, দণ্ডাধীশ ঋতুপল্লৱ বৰুৱাৰ লগতে এমালগেমেটেড প্ৰাইভেট লিমিটেডৰ অন্তৰ্গত বাগিচাসমূহৰ বিষয়ববীয়াসকল উপস্থিত আছিল।
চিকিৎসা শিবিৰটোত এখন উন্নত মানৰ ভ্ৰাম্যমান বাহনৰ জৰিয়তে ননৈ চাহ বাগিচাৰ লগতে কেলিডেন আৰু শাকমুঠীয়া চাহ বাগিচাৰ পৰা অহা যক্ষ্মা ৰোগৰ ৰোগীসকলক চিকিৎসা প্ৰদান কৰা হয়।
উল্লেখযোগ্য যে বৰ্তমানলৈকে মুঠ এঘাৰজন যক্ষ্মা ৰোগী চিনাক্ত কৰাৰ লগতে এই ৰোগীসকলক সম্পূৰ্ণ বিনামূলীয়াকৈ চিকিৎসা প্ৰদান কৰা হ’ব বুলি উপস্থিত বিষয়াসকলে জানিবলৈ দিয়ে।
আনহাতে, ‘যক্ষ্মা ভাগাও বাগান বচাও’ মূল মন্ত্ৰ হিচাপে লৈ আয়োজিত সভাখনত ২০২৫ চনৰ ভিতৰত এ পি পি এলৰ অন্তৰ্গত বাগিচাসমূহৰ পৰা যক্ষ্মা ৰোগ সম্পূৰ্ণ ৰূপে নাইকিয়া হ’ব বুলি মত প্ৰকাশ কৰে বাগিচাৰ বিষয়ববীয়াসকলে।
