বছৰজোৰা কাৰ্যসূচীৰে অনুষ্ঠিত ঐতিহ্য মণ্ডিত দলগাওঁ উচ্চতৰ মাধ্যমিক বিদ্যালয়ৰ হীৰক জয়ন্তী উদযাপনৰ সোমবাৰে সামৰণি পৰে। সমাজৰ দৰিদ্ৰ শ্ৰেণীৰ ছাত্ৰ-ছাত্ৰী সকলক গুণগত শিক্ষা প্ৰদান কৰাৰ উদ্দেশ্যে ১৯৩৭ চনত অবিভক্ত দৰং জিলাত স্থাপিত বিদ্যালয়খন জিলাখনৰ ভিতৰতে এখন অন্যতম পুৰণি শৈক্ষিক প্ৰতিস্থান। সামৰণি অনুষ্ঠানৰ সৈতে সংগতি ৰাখি দেওবাৰে বিদ্যালয়খনৰ প্ৰাক্তন শিক্ষক- শিক্ষয়ত্ৰী তথা ছাত্ৰ-ছাত্ৰী সকলে এক বৃক্ষৰোপন কাৰ্যসূচীত অংশ লয়।স্থানীয় ৰাইজৰ আশাশুধীয়া প্ৰচেস্থাৰ বলত ১৯৩৭ চনত বাঁহ আৰু খেৰেৰে নিৰ্মিত বিদ্যালয়খনে বাস্তৱ ৰুপ পাই বুলি বুলি উল্লেখ কৰি আয়োজক সমিতিৰ কাৰ্যবাহি সভাপতি অবণি মোহন চহৰীয়াই কয় যে বিগত বছৰ সমূহত বিদ্যালয়খনে বিভিন্ন ক্ষেত্ৰত অৱদান আগবঢ়াই অহা বহু বিশিষ্ট লোকৰ সৃষ্টি কৰিছে। হীৰক জয়ন্তি উদযাপনৰ সামৰণি অনুষ্ঠানটোত বহু কাৰ্যসূচী অনুষ্ঠিত কৰা হয় বুলিও তেওঁ লগতে জানিবলৈ দিয়ে। সোমবাৰৰ উক্ত অনুষ্ঠানটোত অসম সাহিত্য সভাৰ নৱ নিৰ্বাচিত সভাপতি পৰমানন্দ ৰাজবংশী আৰু কটন বিশ্ববিদ্যালয়ৰ উপাচাৰ্য ভবেশ চন্দ্ৰ গোস্বামী লগতে অন্য বহু বিশিষ্ট লোক উপস্থিত থাকে।
