চীনৰ চৰকাৰী সংবাদ মাধ্যমৰ মতে, ম্যানমাৰত কেলেংকাৰীৰ ঘাটি চলোৱাৰ অপৰাধত দেশৰ এখন আদালতে এটা মাফিয়া পৰিয়ালৰ ১১ জন সদস্যক মৃত্যুদণ্ডৰ নিৰ্দেশ দিছে।
এই পৰিয়ালটোৰ কেইবাজনো সদস্য অপৰাধমূলক কাৰ্যত জড়িত হৈ থকা দেখা গৈছে। পৰিয়ালৰ আন কেইবাজনো সদস্যক দীৰ্ঘদিনীয়া কাৰাদণ্ড বিহা কৰা হৈছে।
এই চীনা মাফিয়া পৰিয়ালটোৱে ম্যানমাৰৰ সৰু চহৰ লাউক্কাই নিয়ন্ত্ৰণ কৰা চাৰিটা ফৈদৰ এটা ফৈদৰ বাবে কাম কৰিছিল। ম্যানমাৰ-চীন সীমান্তৰ ওচৰত অৱস্থিত এই চহৰখন জুৱা, ড্ৰাগছ আৰু অসংখ্য কেলেংকাৰী কেন্দ্ৰৰ কেন্দ্ৰবিন্দু হৈ পৰিছিল।
২০২৩ চনত ম্যানমাৰে এই পৰিয়ালসমূহৰ কেইবাজনো সদস্যক গ্ৰেপ্তাৰ কৰি চীন কৰ্তৃপক্ষক গতাই দিছিল।চীনৰ ৰাজ্যিক সম্প্ৰচাৰক চিচিটিভিৰ তথ্য অনুসৰি উত্তৰ প্ৰান্তৰ ৱেনঝৌ চহৰৰ এখন আদালতে সোমবাৰে মাফিয়া পৰিয়ালটোৰ মুঠ ৩৯ জন সদস্যক শাস্তি প্ৰদান কৰে। ইয়াৰে ১১ জনক মৃত্যুদণ্ড দিয়া হয়।
