অসমত ক’ৰ’না ভাইৰাছৰ ভয়াবহ সংক্ৰমণ অব্যাহত আছে। আজি পুনৰ ৰাজ্যত ১৭ গৰাকী ক’ৰ’না আক্ৰান্তই প্ৰাণ হেৰুৱাবলগীয়া হয়।
ইয়াৰ ফলত ৰাজ্যত ক’ৰ’নাৰ সংক্ৰমণৰ ফলত মৃত্যু হোৱা লোকৰ সংখ্যা ৬২৫ গৰাকীলৈ বৃদ্ধি পালে।
আজি ক’ৰ’নাৰ সংক্ৰমণৰ ফলত মৃত্যু হোৱা লোক কেইগৰাকী হ’ল ক্ৰমে- ৰাম হাজৰিকা(৪০, ডিব্ৰুগড়), আব্দুল হামিদ বৰা(৬৫, শিৱসাগৰ), তপন ৰয়(৪২, লখিমপুৰ), ড০ প্ৰণৱ কুমাৰ দাম(৮৫, ডিব্ৰুগড়), ধীৰেঞ্চি পেগু(৪৪, লখিমপুৰ), ছঈফুদ্দিন আহমেদ(৬০,দৰং), সুৰেশ ৰহাং(৪০, কামৰূপ মহানগৰ জিলা), কমলা বৰদলৈ(৮৬, কামৰূপ মহানগৰ জিলা), জয়ন্তী কৰ্মকাৰ(৬০, কামৰূপ মহানগৰ জিলা), ৰমেশ কুমাৰ বৰাইক(৪৫, গোলাঘাট), ৰেণু হাজৰিকা(৬৯, যোৰহাট), ৰাজু দাস(৪৫, কামৰূপ মহানগৰ জিলা), সুনীতা ঘোষ(৪৫, গোলাঘাট), মুকান্দাৰ সিং(৩৫, গোলাঘাট), সুদীপ কুমাৰ চাহা(৫২, গোৱালপাৰা), বুদ্ধেশ্বৰ হাজৰিকা(৬৫, ডিব্ৰুগড়) আৰু শংকৰ মজুমদাৰ(৮১, কামৰূপ মহানগৰ জিলা)।
স্বাস্থ্য মন্ত্ৰী হিমন্ত বিশ্ব শৰ্মাই ছ’চিয়েল মিডিয়াযোগে এই কথা প্ৰকাশ কৰি মৃত্যু হোৱা ব্যক্তি কেইগৰাকীৰ পৰিয়াললৈ সমবেদনা জ্ঞাপন কৰে।
আনহাতে, আজি ৰাজ্যত নতুনকৈ ১৭৯২ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰে।
আজি সম্পন্ন কৰা ২৮২৪৫ টা নমুনাৰ পৰীক্ষাৰ ভিতৰত ১৭৯২ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰে।
অসমত বৰ্তমানলৈ ১৬৭৩৭৪ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰাৰ বিপৰীতে চিকিৎসাৰ অন্তত ১৩৫১৪১ গৰাকী ব্যক্তি সুস্থ হৈ নিজ গৃহলৈ উভতি গৈছে।