কাশ্মীৰত সন্ত্ৰাসবাদীৰ গুলীত নিহত হৈছে সীমান্ত সুৰক্ষা বাহিনীৰ দুজন জোৱান।
ঘটনাৰ বিৱৰণীৰ মতে যোৱা বুধবাৰে জন্মু আৰু কাশ্মীৰৰ গাণ্ডাৰবল জিলাৰ পাণ্ডাচ নামৰ ঠাইত এই ঘটনা সংঘটিত হয়।
বি এছ এফৰ সূত্ৰৰ মতে মটৰ চাইকেলত অহা দুই সন্ত্ৰাসবাদীয়ে চহৰৰ পৰা ১৭ কিলোমিটাৰ দূৰত্বৰ পাণ্ডাচ এলেকাত জোৱান দুজনক লক্ষ্য কৰি গুলী চালনা কৰে।
গুলীবিদ্ধ হৈ আহত হোৱা বি এছ এফ জোৱান দুজনক লগে লগে চৌৰাস্থিত এছ কে আই এম এছ চিকিৎসালয়ত ভৰ্তি কৰোৱা হয়।
চিকিৎসালয়ৰ কৰ্তৃপক্ষই জনোৱা অনুসৰি এজন জোৱান মৃত অৱস্থাতে চিকিৎসালয়লৈ অনা হয় আৰু আনজন জোৱান আহত অৱস্থাত ভৰ্তি কৰোৱা হয়।
বি এছ এফৰ কৰ্তৃপক্ষই জনাইছে দুয়োজন জোৱানেই মূৰত আঘাত পাইছিল।
বি এছ এফে নিহত জোৱান দুজনৰ নাম প্ৰকাশ কৰা নাই যদিও তেওঁলোকৰ বয়স ৩৫ আৰু ৩৬ বছৰ বুলি জানিবলৈ দিছে।
আক্ৰমণৰ ঘটনা সংঘটিত হোৱাৰ পিছতে বি এছ এফে সন্ত্ৰাসবাদীৰ সন্ধানত অভিযান আৰম্ভ কৰিছে।
