ঔষধৰ যোগান নাই। মহাৰাষ্ট্ৰ চৰকাৰী চিকিৎসালয়ত ২৪ ঘন্টাত ২৪ জনৰ মৃত্যু ঘটিছে। ইয়াৰ ভিতৰত ১২টি নৱজাতক আছে। বিজেপি শাসিত ৰাজ্যখনত এই ঘটনাই ব্যাপক প্ৰতিক্ৰিয়াৰ সষ্টি কৰিছে। বিৰোধী দলসমূহে চৰকাৰৰ বিৰুদ্ধে সৰৱ হৈ পৰিছে।
জানিব পৰা মতে, মহাৰাষ্ট্ৰৰ নান্দৰ জিলাৰ শংকৰ ৰাও চৱন চৰকাৰী চিকিৎসালয়ত মাত্ৰ ২৪ ঘণ্টাৰ ভিতৰতে ২৪ জন লোকৰ মৃত্যু হৈছে। ইয়াৰ ভিতৰত ১২টি নৱজাতক আছে।
লগতে পঢ়কঃ মৰ্মান্তিক! দ্ৰুতবেগী ট্ৰাকে মহতিয়াই নিলে পথৰ দাঁতিত শুই থকা শ্ৰমিকক, মৃত্যু ৫ জনৰ
সোমবাৰে চিকিৎসালয় কৰ্তৃপক্ষই কয় যে এই সমস্যাৰ কাৰণ হৈছে ঔষধৰ পৰ্যাপ্ত যোগানৰ অভাৱ। চিকিৎসালয়খনৰ ডীনৰ মতে, চিকিৎসালয়খনত পৰ্যাপ্ত আন্তঃগাঁথনি নাই। সেইদৰে ঔষধৰ যোগানো নাই। তথাপিও ৭০ৰ পৰা ৮০ কিলোমিটাৰৰ ভিতৰত এইখনেই হাজাৰ হাজাৰ মানুহৰ আশা।
এই ঘটনাৰ পিছতে এন চি পিয়ে মুখ্যমন্ত্ৰী একনাথ সিন্দেৰ চৰকাৰৰ বিৰুদ্ধে সৰৱ হৈ পৰিছে। দলৰ মুখপাত্ৰ বিকাশ লাৱাণ্ডে কয়, ‘চৰকাৰে লাজ পোৱা উচিত। বাহুল্যভাৱে উৎসৱৰ বিজ্ঞাপন দিয়া হৈছে। অথত চিকিৎসালয়ত ঔষধ নাই। ৰোগীসকলে এনেদৰে প্ৰাণ হেৰুৱাবলগীয়া হৈছে।”
লগতে পঢ়কঃ ভূমি কেন্দ্ৰিক সংঘাত : উন্মত্ত ৰাইজৰ প্ৰহাৰত মৃত্যু একেটা পৰিয়ালৰে ৫ সদস্য
উল্লেখ্য যে যোৱা আগষ্ট মাহতো মহাৰাষ্ট্ৰত এনে ঘটনাৰ সংঘটিত হৈছিল। থানে জিলাৰ কলৱা অঞ্চলৰ ছাত্ৰপতি শিৱাজী মহাৰাজ চিকিৎসালয়ত সেইবাৰ ২৪ ঘন্টাৰ ভিতৰতে ১৭ জন ৰোগীৰ মৃত্যু হৈছিল।
